Ulttyq ulannyń jaýyngerleri mitingige qatysýshylardy qandai jaǵdaida ustaýǵa quqyly? Ortalyq kommýnikatsiialar qyzmetinde ótken brifingte osyndai saýal qoiyldy, dep habarlaidy QazAqparat.
Bul suraqqa Ulttyq ulan áskeri keńesiniń hatshysy Saverdin Imirov jaýap berdi.
«Eger patrýldeý baǵytynda qoǵamdyq tártip buzylǵan bolsa, onda árine, bizdiń áskeri qyzmetshiler zań buzýshylardy zań talaptary boiynsha ustaidy jáne politsiiaǵa tapsyrady», - dep túsindirdi Saverdin Imirov.
Áskeri keńes hatshysy mundai jaǵdaida áskeri qyzmetshiler óz betinshe sheshim qabyldai alatynyn eskertti.
«Árine, olar ózderiniń qyzmet atqarý baǵyty boiynsha jaýap beredi. Eger azamattar buzaqylyq áreketterge jol berse, azamattarǵa qaýip tóndiretin qandai da bir ákimshilik buzýshylyqtarǵa barsa nemese mas kúiinde qandai da bir zańsyzdyqtarǵa jol berse, azamattardyń mazasyn alsa, olardy ustaidy. Beibit azamattardyń qaýipsizdik quqyǵy bar jáne kóshede alańsyz júrýine jaǵdai jasalýy kerek» - dedi Saverdin Imirov.
Ol, sondai-aq, Ulttyq ulannyń qyzmetin áskeri prokýrorlar qadaǵalaitynyn atap ótti. Ulttyq ulannyń áskeri qyzmetshileri zań buzý faktisi tirkelse, atalmysh organ tiisti sharalar qabyldaityny da aityldy.
