Elimizde Ulttyq parkterdi damytý keńesi qurylady, dep habarlaidy "Ult aqparat".
«Keiingi kúnderi áleýmettik jelilerde ulttyq parkterdiń aýmaǵy uzaq merzimge beriledi eken degen syńaida aqparat tarap ketti. Ulttyq parkterdiń taǵdyryna alańdaýshylyq bildirgen azamattardyń bárine de rahmet. Bizdiń ministrlik ashyq dialogqa qashan da daiyn. Meniń orynbasarym osymen eki apta boiy eko-belsendilermen kezdesip, týyndaǵan máseleni talqylap jatyr», - dedi Ekologiia, geologiia jáne tabiǵi resýrstar ministri Maǵzum Myrzaǵaliev OKQ ótken halyqqa esep berý kezdesýinde.
Sonymen qatar, Maǵzum Myrzaǵaliev óziniń bastamasymen Ulttyq parkterdi damytý keńesi qurylatynyn jetkizdi. Onyń quramyna atalmysh salanyń sarapshylary, ministrliktiń ókilderi men eko-belsendiler kiredi.
«Keńes investordyń mindettemesiniń oryndaýyn baqylap, ulttyq parkterdi damytý josparyna atsalysa alady. Halyqpen birge ortaq mámilege kelip, ulttyq parkterdegi ekologiialyq týrizmdi damyta alarymyzǵa senimdimin», - dedi ol.
