Foto:©️ Tengrinews.kz
Tuńǵysh prezident Nursultan Nazarbaevtyń Ulttyq mýzeidegi músini alynyp tastaldy. Bul týraly mýzeidiń baspasóz qyzmeti habarlady.
"Ulttyq mýzei atriým zalynyń reekspozitsiiasyn qolǵa aldy. Onyń negizgi mindeti – kelýshiler úshin yńǵaily rekreatsiialyq aimaq retinde qyzmet etý. Aldaǵy ýaqytta "Táýelsiz Qazaqstan" zalynyń reekspozitsiiasy boiynsha jumystar júrgiziledi. Óitkeni mýzei 10 jyldan beri jańartylmaǵan. Al eskertkishke keletin bolsaq, bul eksponat mýzei múlki jáne Atriým tujyrymdamasynyń ózgerýine bailanysty mýzei qorynda turaqty saqtaýda bolady", - dep túsindirdi mýzeidiń baspasóz qyzmeti.
Taiaý arada mýzeidiń ekspozitsiialyq keńistigi jetildirilip, birqatar kórme zary jańarady. Ǵimarattyń ishki bóligi jáne syrtqy qasbeti jóndelip, materialdyq-tehnikalyq jaǵynan qaita jaraqtandyrylady.
Byltyr mýzeige alys-jaqyn shetelderden 600 myńǵa jýyq adam kelgen.
