Energetika ministri Nurlan Noǵaev Májiliste ótken otyrysta «Ulttyq indýstriialyq munai-himiia tehnoparki» arnaiy ekonomikalyq aimaǵynyń qazirgi jaǵdaiy týraly málimet berdi, dep habarlaidy QazAqparat.
«Búgingi tańda arnaiy ekonomikalyq aimaq aýmaǵynda 10 qatysýshy tirkelgen, olardyń ekeýi jobasyn iske asyrdy. Eki joba boiynsha qurylys júrgizilýde jáne 6 joba jobalaý satysynda tur. 2021 jylǵy 1 mamyrdaǵy jaǵdai boiynsha, tartylǵan investitsiialar kólemi – 850 mlrd teńge boldy. 23,1 mlrd teńgeniń ónimi shyǵarylyp, 820 turaqty jáne 3383 ýaqytsha jumys orny ashyldy», - dedi Energetika ministri.
Sondai-aq, ol «Ulttyq indýstriialyq munai-himiia tehnoparki» arnaiy ekonomikalyq aimaqtyń infraqurylymyn tartýǵa memleketten 161,7 mlrd teńge bólingenin atady.
«Osy qarajatqa temir jol jáne avtomobil joldary, injenerlik jeliler men jalpy zaýyttyq sipattaǵy ózge de qajetti infraqurylymdyq obektiler salyndy. Sondai-aq, qýaty 310 mVT-ty quraityn gaztrýbinalyq elektrostansasy, paidalanýǵa berildi jáne sý daiyndaý qondyrǵysynyń qurylysy júzege asyrylýda. Birinshi kezeńdegi infraqurylymdyq obektiler polipropilen óndirý jónindegi zaýyttyń jumys isteýin qamtamasyz etýge arnalǵan», - dedi ministr.
