Dúniede qazaqtyń sany 18 mln-ǵa jeter-jetpes. Ókinishke orai, biz azbyz. Keńes ókimetiniń ozbyr saiasatynyń arqasynda kemip qaldyq. Eger ashtyq, repressiia bolmaǵanda qazaqtyń sany 50- mln bolýy shart edi...
50-mln halqy bar memleket qandai da bolmasyn syrtqy kúshterge qarsylyq kórsete alady. Osy az kúiimizben ishki birligimiz tapshy. Bir-birimizge kinámshylmyz. Bir-birine aidar taqqanda álemde birinshi orynǵa shyǵatyn shyǵarmyz.
Ishki shyrqymyzdy buzý op-ońai bolyp shyqty. Bir qumalaq kelip, búldire salady eken. Bul ulttyq psihologiiaǵa biliktiń qatysy joq. Qazaqtyń óz "salt-dástúri".
"Bólingendi bóri jeidi", muny bári biledi. Biraq, kiná taǵamyz, ózimizge. Memleketke de kiná taqqymyz keledi. Ulttyq minezdi sotsiým qalyptastyrady.
Biliktiń árine óz kemshilikteri jetkilikti. Degenmen, ulttyń aýyzbirligi, ol qoǵamnyń jumysy. Jazǵyrý, ókpeleý, aidar taǵý, sport tárizdi. Rýhani mádenietti basqa deńgeige kóterip, saiasi ult biiktigine shyǵý shart. Onsyz ult bolmaimyz.
Qazaq bir-birin túsinip, súisinip, biriniń qatesin keshire bilgen kezde ǵana, zamannyń qaýip-qaterine jaýap bere alatyn halyqqa ainalady. Bul qoǵamnyń eń negizgi boryshy, jumysy, atqaratyn missiiasy.
Basqa ultty qoiyp, ózimiz kvartiralarǵa bólinip ketpeiik... Qazaq aqjarqyn, keńpeiil, baýyryna ystyq kóńilmen qaraidy, kórshisimen sypaiy. Bul bizdiń obraz. Óte jaqsy, keremet beinemiz. Sol obraz alystańqyrap, kóleńkelenip bara jatyr...
Erlan Sairovtyń feisbýktaǵy jazbasynan
