دٷنيەدە قازاقتىڭ سانى 18 ملن-عا جەتەر-جەتپەس. ٶكٸنٸشكە وراي, بٸز ازبىز. كەڭەس ٶكٸمەتٸنٸڭ وزبىر ساياساتىنىڭ ارقاسىندا كەمٸپ قالدىق. ەگەر اشتىق, رەپرەسسييا بولماعاندا قازاقتىڭ سانى 50- ملن بولۋى شارت ەدٸ...
50-ملن حالقى بار مەملەكەت قانداي دا بولماسىن سىرتقى كٷشتەرگە قارسىلىق كٶرسەتە الادى. وسى از كٷيٸمٸزبەن ٸشكٸ بٸرلٸگٸمٸز تاپشى. بٸر-بٸرٸمٸزگە كٸنەمشىلمىز. بٸر-بٸرٸنە ايدار تاققاندا ەلەمدە بٸرٸنشٸ ورىنعا شىعاتىن شىعارمىز.
ٸشكٸ شىرقىمىزدى بۇزۋ وپ-وڭاي بولىپ شىقتى. بٸر قۇمالاق كەلٸپ, بٷلدٸرە سالادى ەكەن. بۇل ۇلتتىق پسيحولوگيياعا بيلٸكتٸڭ قاتىسى جوق. قازاقتىڭ ٶز "سالت-دەستٷرٸ".
"بٶلٸنگەندٸ بٶرٸ جەيدٸ", مۇنى بەرٸ بٸلەدٸ. بٸراق, كٸنە تاعامىز, ٶزٸمٸزگە. مەملەكەتكە دە كٸنە تاققىمىز كەلەدٸ. ۇلتتىق مٸنەزدٸ سوتسيۋم قالىپتاستىرادى.
بيلٸكتٸڭ ەرينە ٶز كەمشٸلٸكتەرٸ جەتكٸلٸكتٸ. دەگەنمەن, ۇلتتىڭ اۋىزبٸرلٸگٸ, ول قوعامنىڭ جۇمىسى. جازعىرۋ, ٶكپەلەۋ, ايدار تاعۋ, سپورت تەرٸزدٸ. رۋحاني مەدەنيەتتٸ باسقا دەڭگەيگە كٶتەرٸپ, ساياسي ۇلت بيٸكتٸگٸنە شىعۋ شارت. ونسىز ۇلت بولمايمىز.
قازاق بٸر-بٸرٸن تٷسٸنٸپ, سٷيسٸنٸپ, بٸرٸنٸڭ قاتەسٸن كەشٸرە بٸلگەن كەزدە عانا, زاماننىڭ قاۋٸپ-قاتەرٸنە جاۋاپ بەرە الاتىن حالىققا اينالادى. بۇل قوعامنىڭ ەڭ نەگٸزگٸ بورىشى, جۇمىسى, اتقاراتىن ميسسيياسى.
باسقا ۇلتتى قويىپ, ٶزٸمٸز كۆارتيرالارعا بٶلٸنٸپ كەتپەيٸك... قازاق اقجارقىن, كەڭپەيٸل, باۋىرىنا ىستىق كٶڭٸلمەن قارايدى, كٶرشٸسٸمەن سىپايى. بۇل بٸزدٸڭ وبراز. ٶتە جاقسى, كەرەمەت بەينەمٸز. سول وبراز الىستاڭقىراپ, كٶلەڭكەلەنٸپ بارا جاتىر...
ەرلان سايروۆتىڭ فەيسبۋكتاعى جازباسىنان
