Foto:baq.kz alyndy
Ulttyq quryltaidyń qoǵamǵa bereri mol. Elimizde ult taǵdyryna alańdaityn qoǵam qairatkerleri men el janashyrlary minberde turyp, shynaiy halyqtyń ál-aýqatyn jetkizip, onyń sheshimin shyǵarýǵa at salysa alady.Degenmen, óz deńgeiinde ótkizilýi úshin áli kóptegen jumystar atqarylýy kerek deidi maman.
«Ulttyq quryltai ol - dialog alańy. Sondyqtan óńir-óńirdegi belsendiler taisalmai Prezidenttiń aldynda ashyq aitýy kerek. Sol kezde bul jiyndardyń mańyzdylyǵy artady. Al qazir ulttyq quryltaidyń bizge berip jatqany shamaly. Sebebi birjaqtyly bolyp jatyr. Prezident tek ózi ǵana máselelerdi kóterip, aityp jatyr. Basymdylyqty kóbirek ult ziialylaryna bersek, otyrystardyń bereri kóbirek bolar edi. Árine, bul tek aiqyn máselelerdi kóteretin orta emes, bilim, ǵylym, tarih, óner, ulttyq tárbie syndy túrli salalardy qamtityn dialog alańy», - deidi saiasattanýshy Talǵat Janysbai.
Qorytyndylai kele, Ulttyq quryltai tarihi tulǵalardyń rólin, mádeni murany nasihattaý men jańǵyrtý máselelerine erekshe kóńil bóledi. Bul qazaq halqynyń ulttyq kody men qundylyqtaryn saqtap qalýyna yqpal etedi. Memleket basshysynyń aitýynsha, ulttyń jańa kelbetin aiqyndaityn negizgi qundylyqtar – táýelsizdik jáne otanshyldyq, birlik jáne yntymaq, ádildik jáne jaýapkershilik, zań jáne tártip, eńbekqorlyq pen kásibi biliktilik, jasampazdyq jáne jańashyldyq. Elimizdegi árbir azamat osy basty qundylyqtardy berik ustanýy kerek. Prezident usynǵan «Adal azamat» uǵymy munyń bárin túgel qamtidy. Sonymen birge bul Ádiletti Qazaqstan ideiasymen úndesip jatyr.
