Foto: Túrkistan oblysy ákiminiń baspasóz qyzmeti
Túrkistan qalasynda Prezidenttiń qatysýymen Ulttyq quryltai otyrysy ótedi, dep habarlaidy "Ult aqparat".
Eldik másele talqyǵa túsetin alań qazaqtyń on eki qanatty kiiz úii tárizdi bezendirilgen. Alqaly jiynnyń alǵashqy kúni úsh taqyryp qaýzalady.
"Memleket basshysynyń bastamasymen qurylǵan Ulttyq quryltaidyń ekinshi otyrysy óz jumysyn bastady. Quryltai eki kúnge josparlanǵan, sebebi eldi tolǵandyrǵan máselelerdiń aýqymy da, baǵyty da alýan. Sondyqtan quryltai jumysyn birneshe taqyryptyq sektsiialarǵa bóldik. Osylaisha barlyq qatysýshylarǵa óz oi-pikirin aitýǵa barynsha múmkindik jasaldy.
Búgin arnaiy úsh sektsiia ótkiziledi. Olar - bilim jáne ǵylym, mádeniet, óner, rýhaniiat jáne qoǵamdyq konsolidatsiia sektsiialary. Atap ótý kerek, qatysýshylar úshin barlyq sektsiianyń jumysy ashyq, kedergisiz qatysa alady. Sonymen qatar egov portalyndaǵy "quryltai" qosymshasy arqyly azamattar kez kelgen ýaqytta óz pikirleri men usynystaryn jibere alady.
Jalpy, quryltai barysynda bolsyn, onlaiyn arnalar arqyly bolsyn, aitylǵan árbir oi-pikir eskeriledi, barlyq másele muqiiat zerdelenip, Memleket basshysynyń nazaryna usynylady" - dedi Prezident Ákimshiligi Basshysynyń orynbasary Aida Balaeva.
