17 tamyzdan bastap elimizde ulttyq quramalar men sporttyq klýb komandalaryna jattyǵýǵa qaita kirisýge ruqsat etiledi. Bul týraly búgin Ortalyq kommýnikatsiialar qyzmetinde ótken onlain-brifingte QR Bas memlekettik sanitarlyq dárigeri Aijan Esmaǵambetova aitty, dep habarlaidy QazAqparat.
«Turǵyndarǵa sportpen shuǵyldanýǵa ruqsat etiledi. Bul – jeke sport túrleri, ashyq aspan astynda toptyq jattyǵýlar. Jattyǵý jasaityndar sany 5 adamnan aspaýy kerek jáne áleýmettik qashyqtyqty saqtaýǵa mindetti», - dedi A.Esmaǵambetova.
Sondai-aq, ol ulttyq quramalardyń jattyǵýyna ruqsat beriletini týraly aitty.
«Buǵan qosa, biz sporttyq bazalarda 30 adamnan aspaityn jaǵdaida jáne ulttyq profilaktikalyq jáne epidemiiaǵa qarsy is-sharalar saqtalatyn bolsa, ulttyq qurama komandalarǵa, sporttyq klýby komandalaryna sporttyq jattyǵýlar ótkizýge ruqsat berdik. Halyq úshin bir otbasy múshelerin qospaǵanda kóshede 3 adamnan kóp júrýge ruqsat etilmeidi. Saiabaqtarǵa, alańdarǵa, jaǵalaýlarǵa, iaǵni ashyq aspan astyndaǵy barlyq nysandarǵa barýǵa bolady. Biraq áleýmettik qashyqtyqty qadaǵalaý kerek», - deidi ol.
