Foto: WNG2024telegram
5-shi Dúniejúzilik kóshpendiler oiyndarynyń búgin besinshi jarys kúni. Ulttyq qurama ázirge 1 orynda tur. Búgin kókpar men kók bórúden finaldyq match ótedi, al búrkit, qarshyǵa jáne suńqar salý irikteý kezeńi men jartylai final ótedi, dep habarlaidy "Ult Aqparat".
Ulttyq qurama sportshylarynyń 12 qyrkúiekke arnalǵan jarys kestesi kelesidei:
• Saǵat 11.00-de kókpardan Qazaqstan ulttyq quramasy Qyrǵyzstan komandasymen kezdesip, altyn júldeni sarapqa salady. Oiyn «Qazanat» ippodromynda ótedi.
• Ippodromda saǵat 16.30-da kók bórúden Qazaqstan men Qyrǵyzstan arasynda finaldyq match bastalady.
• Al ippodrom mańyndaǵy etnoaýylda saǵat 10.00-de teńge ilýden jarys bastalady. Bes beles saiysynan Beknur Serikov óner kórsetedi. Al saǵat 15.00-de Rahat Kombarov qos qulash saiysy boiynsha synǵa túsedi.
• Etnoaýylda saǵat 10.00-de qusbegilik jarysy bastalady. Búrkit, qarshyǵa jáne suńqar salý irikteý kezeńi men jartylai final ótedi. Búrkit salýdan Erzat Baiqadamov, Serikbek Kúntýǵan, Arman Qoshqarov, al qarshyǵa salýdan Dáýren Arshabai, Baǵdat Keýenov, Qudaibergen Raýiluly, Erlan Kenjetaev, itelgi salýdan Baqdáýlet Babajan men Ibragim Bazarbaev synǵa túsedi.
• «Arǵymaq» at-sport kesheninde saǵat 10.00-de dástúrli sadaq atýdan komandalyq saiys bastalady. Qazaqstan namysyn 10 sportshy qorǵaidy. Áielder: Dinara Jaqsylyqova, Fariza Sabyrjan, Aikórkem Batihan jáne Ajar Tóleýqanova. Erler: Erbol Tapenov, Baqbergen Sálimov, Qasymhan Qanat, Marat Beksultan, Maqsat Ábdikerimov jáne Jánibek Qulmyrzaev.
• Jaqsylyq Úshkempirov atyndaǵy Jekpe-jek saraiynda saǵat 10.00-de tatar halqynyń kóne ulttyq belbeý kúresi koreshten erler arasynda tórt salmaq dárejesi boiynsha jarystar bastalady. El namysyn Ádilet Shalǵynbekuly (64 keli), Beknur Bektai (75 keli), Ernar Baijigit (90 keli) jáne Nursultan Qojageldiuly (+90 keli) qorǵaidy.
• «Alaý» muz saraiynda saǵat 10.00-de túrik halqynyń ulttyq kúresi ashyrtmaly aba giýreshinen bes salmaq dárejesi boiynsha jarys bastalady. Ulttyq qurama sapynda Marat Nigmatýllaev (60 keli), Ádilet Ahmetǵali (70 keli), Erzat Arǵynov (80 keli), Aidos Ǵalymov (90 keli) jáne Muhtar Dálelhanuly (+90 keli) bozkilemge shyǵady. Ashyrtmaly aba giýreshine 19 memleketten 74 sportshy qatysady.
• «Alaý» muz saraiynda saǵat 10.00-de qyrǵyz halqynyń ulttyq oiyny ordodan irikteý syny bastalady. El namysyn Nurjigit Anýarbekuly, Nurqanat Moljigitov, Almas Qarabaev, Muhambetjan Nurlanuly, Myrzamurat Kaiypbekov, Aibek Amangeldiuly. Talǵar Ábilhan jáne Salmoorbek Sýbanaliev qorǵaidy. Ordoǵa 7 memleketten 56 sportshy qatysady. Aqtyq kezeń 13 qyrkúiek kúni ótedi.
• «Dýman» qonaq úi jáne sport kesheninde saǵat 10.00-de Batys Afrika halyqtarynyń ziiatkerlik oĭyny ovariden saiys bastalady. Ovariden ulttyq qurama sapynda Ásel dalieva, Ańsaǵan Qojanásip, Serik Aqtaev jáne Ernur Mereshev Beksultan Bostandyqov, Ersultan Áýelbai, Móldir Serikqyzy jáne Qojanasyr synǵa túsedi.
