فوتو: WNG2024telegram
5-شٸ دٷنيەجٷزٸلٸك كٶشپەندٸلەر ويىندارىنىڭ بٷگٸن بەسٸنشٸ جارىس كٷنٸ. ۇلتتىق قۇراما ەزٸرگە 1 ورىندا تۇر. بٷگٸن كٶكپار مەن كٶك بٶرٷدەن فينالدىق ماتچ ٶتەدٸ, ال بٷركٸت, قارشىعا جەنە سۇڭقار سالۋ ٸرٸكتەۋ كەزەڭٸ مەن جارتىلاي فينال ٶتەدٸ, دەپ حابارلايدى "ۇلت اقپارات".
ۇلتتىق قۇراما سپورتشىلارىنىڭ 12 قىركٷيەككە ارنالعان جارىس كەستەسٸ كەلەسٸدەي:
• ساعات 11.00-دە كٶكپاردان قازاقستان ۇلتتىق قۇراماسى قىرعىزستان كومانداسىمەن كەزدەسٸپ, التىن جٷلدەنٸ ساراپقا سالادى. ويىن «قازانات» يپپودرومىندا ٶتەدٸ.
• يپپودرومدا ساعات 16.30-دا كٶك بٶرٷدەن قازاقستان مەن قىرعىزستان اراسىندا فينالدىق ماتچ باستالادى.
• ال يپپودروم ماڭىنداعى ەتنواۋىلدا ساعات 10.00-دە تەڭگە ٸلۋدەن جارىس باستالادى. بەس بەلەس سايىسىنان بەكنۇر سەرٸكوۆ ٶنەر كٶرسەتەدٸ. ال ساعات 15.00-دە راحات كومباروۆ قوس قۇلاش سايىسى بويىنشا سىنعا تٷسەدٸ.
• ەتنواۋىلدا ساعات 10.00-دە قۇسبەگٸلٸك جارىسى باستالادى. بٷركٸت, قارشىعا جەنە سۇڭقار سالۋ ٸرٸكتەۋ كەزەڭٸ مەن جارتىلاي فينال ٶتەدٸ. بٷركٸت سالۋدان ەرزات بايقاداموۆ, سەرٸكبەك كٷنتۋعان, ارمان قوشقاروۆ, ال قارشىعا سالۋدان دەۋرەن ارشاباي, باعدات كەۋەنوۆ, قۇدايبەرگەن راۋيلۇلى, ەرلان كەنجەتاەۆ, يتەلگٸ سالۋدان باقدەۋلەت باباجان مەن يبراگيم بازارباەۆ سىنعا تٷسەدٸ.
• «ارعىماق» ات-سپورت كەشەنٸندە ساعات 10.00-دە دەستٷرلٸ ساداق اتۋدان كوماندالىق سايىس باستالادى. قازاقستان نامىسىن 10 سپورتشى قورعايدى. ەيەلدەر: دينارا جاقسىلىقوۆا, فاريزا سابىرجان, ايكٶركەم باتيحان جەنە اجار تٶلەۋقانوۆا. ەرلەر: ەربول تاپەنوۆ, باقبەرگەن سەلٸموۆ, قاسىمحان قانات, مارات بەكسۇلتان, ماقسات ەبدٸكەرٸموۆ جەنە جەنٸبەك قۇلمىرزاەۆ.
• جاقسىلىق ٷشكەمپٸروۆ اتىنداعى جەكپە-جەك سارايىندا ساعات 10.00-دە تاتار حالقىنىڭ كٶنە ۇلتتىق بەلبەۋ كٷرەسٸ كورەشتەن ەرلەر اراسىندا تٶرت سالماق دەرەجەسٸ بويىنشا جارىستار باستالادى. ەل نامىسىن ەدٸلەت شالعىنبەكۇلى (64 كەلٸ), بەكنۇر بەكتاي (75 كەلٸ), ەرنار بايجٸگٸت (90 كەلٸ) جەنە نۇرسۇلتان قوجاگەلدٸۇلى (+90 كەلٸ) قورعايدى.
• «الاۋ» مۇز سارايىندا ساعات 10.00-دە تٷرٸك حالقىنىڭ ۇلتتىق كٷرەسٸ اشىرتمالى ابا گيۋرەشٸنەن بەس سالماق دەرەجەسٸ بويىنشا جارىس باستالادى. ۇلتتىق قۇراما ساپىندا مارات نيگماتۋللاەۆ (60 كەلٸ), ەدٸلەت احمەتعالي (70 كەلٸ), ەرزات ارعىنوۆ (80 كەلٸ), ايدوس عالىموۆ (90 كەلٸ) جەنە مۇحتار دەلەلحانۇلى (+90 كەلٸ) بوزكٸلەمگە شىعادى. اشىرتمالى ابا گيۋرەشينە 19 مەملەكەتتەن 74 سپورتشى قاتىسادى.
• «الاۋ» مۇز سارايىندا ساعات 10.00-دە قىرعىز حالقىنىڭ ۇلتتىق ويىنى وردودان ٸرٸكتەۋ سىنى باستالادى. ەل نامىسىن نۇرجٸگٸت انۋاربەكۇلى, نۇرقانات مولجٸگٸتوۆ, الماس قاراباەۆ, مۇحامبەتجان نۇرلانۇلى, مىرزامۇرات كايىپبەكوۆ, ايبەك امانگەلدٸۇلى. تالعار ەبٸلحان جەنە سالمووربەك سۋباناليەۆ قورعايدى. وردوعا 7 مەملەكەتتەن 56 سپورتشى قاتىسادى. اقتىق كەزەڭ 13 قىركٷيەك كٷنٸ ٶتەدٸ.
• «دۋمان» قوناق ٷي جەنە سپورت كەشەنٸندە ساعات 10.00-دە باتىس افريكا حالىقتارىنىڭ زيياتكەرلٸك وي̆ىنى وۆاريدەن سايىس باستالادى. وۆاريدەن ۇلتتىق قۇراما ساپىندا ەسەل داليەۆا, اڭساعان قوجانەسٸپ, سەرٸك اقتاەۆ جەنە ەرنۇر مەرەشەۆ بەكسۇلتان بوستاندىقوۆ, ەرسۇلتان ەۋەلباي, مٶلدٸر سەرٸكقىزى جەنە قوجاناسىر سىنعا تٷسەدٸ.
