Fýtboldan Qazaqstan quramasynyń bas bapkeri Talǵat Baisýfinov koronavirýs juqtyrǵany anyqtaldy. Bul jóninde Qazaqstan fýtbol federatsiiasy málim etti.
«Qazaqstan ulttyq quramasynyń bas bapkeri Talǵat Marýauly Baisýfinov osydan 2 kún buryn PTR synaǵyn tapsyrý kezinde oń nátije alyp, virýs juqtyrǵany rastaldy. Bas bapkerdiń osyǵan deiin tapsyrǵan testilerinde mundai baiqalmaǵan. Eki apta buryn Talǵat Marýauly virýs juqtyryp oqshaýlanýǵa májbúr bolǵan edi. Odan keiingi synama nátijeleri birde oń, birde sol ekenin kórsetti. Aita ketýimiz kerek, Talǵat Marýaulynyń densaýlyǵy birqalypty jáne jattyǵý jumystaryn onlain júrgizip te jatyr. Endi erteń taǵy da synaq tapsyryp, aǵzasynda virýstyń ne bar, ne joq ekenin anyqtap almaq», - dep jazylǵan federatsiia taratqan habarlamada.
Talǵat Baisýfinov ótken jyldan bastap ulttyq qurama bas bapkeri qyzmetin atqaryp keledi.
Fýtboldan 2022 jylǵy álem chempionaty Qazaqstan D tobynda synǵa túsýde. Eki oiynnan keiin bir upai enshilep, týrnir kestesinde besinshi orynda tur.
Ulttyq qurama 1 qyrkúiekte óz alańynda Ýkrainany qabyldaidy. Odan keiin syrt alańda 4 qyrkúiekte Bosniia jáne Gertsogovina, 7 qyrkúiekte Finliandiia quramalarymen sheberlik baiqasady.
