Naryqtyń joǵary qubylmalylyǵyna qaramastan, Ulttyq qordyń investitsiialyq kirisi oń boldy. Búgin Úkimettiń keńeitilgen quramdaǵy otyrysynda Ulttyq bank tóraǵasy Erbolat Dosaev osylai málim etti, dep habarlaidy QazAqparat.
«2020 jyly Ulttyq qordyń aktivteri 4,8 trln teńge somasyndaǵy transfertterdiń rekord kólemine jáne 2019 jylmen salystyrǵanda túsimderdiń 2 eseden astam qysqarýyna bailanysty 58,74 mlrd AQSh dollaryna deiin 3,1 mlrd AQSh dollaryna tómendedi. Naryqtyń joǵary qubylmalylyǵyna qaramastan, Ulttyq qordyń investitsiialyq kirisi oń bolyp, 4,15 mlrd AQSh dollaryn qurady», - dedi E. Dosaev.
Onyń aitýynsha, damýshy elder obligatsiialarynyń, korporativtik obligatsiialar men aktsiialardyń úlesin ulǵaitý esebinen kiristilikti odan ári arttyrý - Ulttyq banktiń Ulttyq qordyń aktivterin basqarý jónindegi 2021 jylǵy negizgi mindeti.
