Foto: fingramota.kz
"Ulttyq qor – balalarǵa" jobasy aiasynda qordyń investitsiialyq tabysynan jinalǵan aqsha shotta bala 18 jasqa tolǵannan keiin 5-10 jyl saqtalady. Bul týraly qarjy vitse-ministri Dáýren Temirbekov málimdedi, dep habarlaidy Sputnik Qazaqstan.
Ol 18 jasqa tolǵan balalardyń shotyndaǵy aqshany dollarmen tóleý usynylyp otyrǵanyn aitty.
"Bala on segiz jasqa tolǵannan keiin shottaǵy qarajat 5-10 jyl saqtalady. Osy aralyqta aqsha qajet bolmasa, ony zeinetaqy shotyna aýdarý usynylyp otyr", - dedi Temirbekov Senatta ótken otyrysta.
Sondai-aq, onyń aitýynsha, eger 18 jasqa deiingi bala shetelge kóship, Qazaqstan azamattyǵyn ózgertse, ol Ulttyq qordyń aqshasyn ala almaidy. Onyń qarjysy basqa balalar arasynda bólinedi.
Al eger azamattyǵyn ózgertpei, shetelge ketse, tólem alý quqyǵy saqtalady.
Sonymen qatar, azamattyq zańnamaǵa sáikes, jinalǵan qarajatty muraǵa berý múmkindigi qarastyrylyp otyr. Al bala is-áreketke qabiletsiz bolsa, ata-analarǵa, qamqorshylarǵa zańnamaǵa sáikes qarjyny paidalaný quqyǵy beriledi.
