Úkimet Ulttyq qordan 2022 jylǵa arnalǵan respýblikalyq biýdjetke túsetin transfertti birden 1,6 trillion teńgege arttyrýdy josparlap otyr. Bul týraly Ulttyq ekonomika ministri Álibek Qýantyrov málimdedi, - dep habarlaidy Tengrinews.kz.
"Prezidenttiń Úkimet aldyna qoiǵan mindetterin iske asyrý jáne respýblikalyq biýdjettiń teńgerimdiligin qamtamasyz etý maqsatynda 2022 jylǵa bekitilgen Ulttyq qordan kepildendirilgen transfert mólsherin 4 trillion teńgege nemese 1,6 trillion teńgege deiin ulǵaityp, ony túzetý usynylady", - dedi Qýantyrov Úkimet otyrysynda
Onyń aitýynsha, Qazaqstan ekonomikasynyń ósý boljamy 3,9-dan 2,1 paiyzǵa tómendegen. Ataýly JIÓ 91,5 trillin teńgege baǵalanyp otyr, bul bekitilgen boljamnan 4,5 trillion teńgege joǵary.
