Foto: Gov.kz
Senat depýtattary Ulttyq qordan balalarǵa tólem jasaý máseleleri týraly zańnyń keibir baptaryn maquldamady. Joǵary palata ókilderi qujattyń jańa redaktsiiasyn Májiliske qaitardy, dep habarlaidy Sputnik Qazaqstan.
Zańǵa sáikes, Ulttyq qordyń jyldyq investitsiialyq kirisiniń 50 paiyzy balalar 18 jasqa tolǵanǵa deiin olardyń arnaiy esepshotyna aýdarylady. Bul aqshany baspana satyp alýǵa nemese bilim alýǵa jumsaýǵa bolady. Sheteldik joǵary oqý ornynda oqý úshin paidalanýǵa ruqsat etiledi. Biraq baspana tek Qazaqstan aýmaǵynda ǵana satyp alynýy shart.
Bala 18 jasqa tolǵanǵa deiin aýdarylǵan aqsha Ulttyq qorda bolady. Ulttyq bank ony qarjy quraldaryna investitsiialaýdy jalǵastyrady. Barlyq balaǵa teń tásil qamtamasyz etiledi, iaǵni balanyń týǵan kúninen bastap nemese balanyń Qazaqstan azamattyǵyn alǵan kúninen bastap on segiz jasqa tolǵanǵa deiin onyń baǵdarlamaǵa qatysqan tiisti jyly úshin árbir balanyń shotyna birdei soma aýdarylady.
Shotta jinalǵan aqshany 18 jasqa tolǵannan keiin ǵana paidalanýǵa bolady. Alaida bala azamattyǵyn ózgertken nemese joǵaltqan jaǵdaida tólem alý quqyǵynan aiyrylady. Ulttyq qordan beriletin qarajatqa salyq salynbaidy.
Esepshottaǵy aqsha dollarmen jinaqtalady. Al tólenetin kezde sol kúngi kýrspen teńgege aýdarylady.
Aita keteri, "Ulttyq qor – balalarǵa" jobasy 2024 jylǵy 1 qańtardan bastalady.
Búgin Senat on túzetý engizip, zańdy Májiliske qaitardy.
