فوتو: Gov.kz
سەنات دەپۋتاتتارى ۇلتتىق قوردان بالالارعا تٶلەم جاساۋ مەسەلەلەرٸ تۋرالى زاڭنىڭ كەيبٸر باپتارىن ماقۇلدامادى. جوعارى پالاتا ٶكٸلدەرٸ قۇجاتتىڭ جاڭا رەداكتسيياسىن مەجٸلٸسكە قايتاردى, دەپ حابارلايدى Sputnik قازاقستان.
زاڭعا سەيكەس, ۇلتتىق قوردىڭ جىلدىق ينۆەستيتسييالىق كٸرٸسٸنٸڭ 50 پايىزى بالالار 18 جاسقا تولعانعا دەيٸن ولاردىڭ ارنايى ەسەپشوتىنا اۋدارىلادى. بۇل اقشانى باسپانا ساتىپ الۋعا نەمەسە بٸلٸم الۋعا جۇمساۋعا بولادى. شەتەلدٸك جوعارى وقۋ ورنىندا وقۋ ٷشٸن پايدالانۋعا رۇقسات ەتٸلەدٸ. بٸراق باسپانا تەك قازاقستان اۋماعىندا عانا ساتىپ الىنۋى شارت.
بالا 18 جاسقا تولعانعا دەيٸن اۋدارىلعان اقشا ۇلتتىق قوردا بولادى. ۇلتتىق بانك ونى قارجى قۇرالدارىنا ينۆەستيتسييالاۋدى جالعاستىرادى. بارلىق بالاعا تەڭ تەسٸل قامتاماسىز ەتٸلەدٸ, ياعني بالانىڭ تۋعان كٷنٸنەن باستاپ نەمەسە بالانىڭ قازاقستان ازاماتتىعىن العان كٷنٸنەن باستاپ ون سەگٸز جاسقا تولعانعا دەيٸن ونىڭ باعدارلاماعا قاتىسقان تيٸستٸ جىلى ٷشٸن ەربٸر بالانىڭ شوتىنا بٸردەي سوما اۋدارىلادى.
شوتتا جينالعان اقشانى 18 جاسقا تولعاننان كەيٸن عانا پايدالانۋعا بولادى. الايدا بالا ازاماتتىعىن ٶزگەرتكەن نەمەسە جوعالتقان جاعدايدا تٶلەم الۋ قۇقىعىنان ايىرىلادى. ۇلتتىق قوردان بەرٸلەتٸن قاراجاتقا سالىق سالىنبايدى.
ەسەپشوتتاعى اقشا دوللارمەن جيناقتالادى. ال تٶلەنەتٸن كەزدە سول كٷنگٸ كۋرسپەن تەڭگەگە اۋدارىلادى.
ايتا كەتەرٸ, "ۇلتتىق قور – بالالارعا" جوباسى 2024 جىلعى 1 قاڭتاردان باستالادى.
بٷگٸن سەنات ون تٷزەتۋ ەنگٸزٸپ, زاڭدى مەجٸلٸسكە قايتاردى.
