Foto:ehistory.kz
Qarasha aiynda Qazaqstannyń jalpy halyqaralyq rezervteri 105 mlrd dollarǵa jetti. Bul týraly Ulttyq bank tóraǵasy Timýr Súleimenov Úkimet otyrysynda málimdedi, dep habarlaidy Ult.kz.
Jalpy halyqaralyq rezervterdiń ósýi Súleimenovtiń aitýynsha, jyl basynan beri rezervter 9,5%-ǵa ulǵaiǵan. Onyń ishinde: Ulttyq banktiń altynvaliýta rezervteri 23%-ǵa ósip, 44,2 mlrd dollardy qurady.
Ulttyq qordyń aktivteri 1,3%-ǵa artyp, 60,8 mlrd dollarǵa jetti.
Ulttyq qordyń negizgi kórsetkishteri:
Qorǵa túsken qarajat: 3,7 trln teńge.
Respýblikalyq biýdjetke transfertter: 5,3 trln teńge.
Investitsiialyq tabys: 9,5% (5,7 mlrd dollar).
Infliatsiia jáne aqsha-kredit saiasaty:
Ulttyq bank infliatsiiany 5%-dyq maqsatty deńgeige jetkizý úshin qatań aqsha-kredit saiasatyn ustanatynyn atap ótti.
"Álemdik azyq-túlik baǵasynyń ósýi men Reseidegi infliatsiianyń jedeldeýi aiasynda 29 qarashada bazalyq mólsherleme 15,25 paiyzǵa deiin kóterildi. Qarasha qorytyndysy boiynsha jyldyq infliatsiia 8,4 paiyz deńgeiinde qalyptasty, oǵan azyq-túlik taýarlary baǵasynyń baiaýlaýy áser etti", – dedi Timýr Súleimenov.
