Foto: Akorda.kz
Memleket basshysy Qasym-Jomart Toqaev halyqtyń turmys sapasyna tikelei áser etken keibir sharalardy atap ótti, - dep habarlaidy "Ult aqparat" Aqordanyń baspasóz qyzmetine silteme jasap.
Prezident halyqtyń turmys sapasyna tikelei áser etken keibir sharalardy atap ótti.
"Mysaly, 2020 jyldan beri muǵalimderdiń jalaqysy eki ese ósti. Dárigerlerdiń ailyǵy da aitarlyqtai kóbeidi. Qazir olardyń tabysy elimizdegi ortasha jalaqydan áldeqaida joǵary. Jurtqa zeinetaqy jinaǵynyń bir bóligin paidalaný múmkindigi berildi. Millionǵa jýyq adam osy jobanyń igiligin kórdi – turǵyn úi máselesin sheship, baspanaly boldy.
"Jaily mektep" jobasy aiasynda 400-ge jýyq mektep salynady. Qazir aýyldyq jerde 300-den astam densaýlyq saqtaý nysany salynyp jatyr.
"Ulttyq qor – balalarǵa" jobasy qolǵa alyndy. Sonyń arqasynda jańa jyldan bastap balalardyń esepshotyna qarajat túse bastaidy. Igerilmei jatqan nemese zańsyz berilgen 8 million gektar jer memleket menshigine qaitaryldy. Men naqty iske asqan sharalardyń bir bóligin ǵana atap óttim. Shyn máninde, kóp jumys atqaryldy, bolashaqta da óz jalǵasyn tabady", - dedi Toqaev.
