Ulttyq qor aktivteri 1 aida 530 mln dollarǵa ulǵaidy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Ulttyq qordyń aktivteri biylǵy jylǵy sáýirdiń aiaǵynda bir aida 530 mln AQSh dollaryna ulǵaiyp, 57,6 mlrd AQSh dollaryn qurady. Osy jylǵy sáýirde 333 mlrd teńgege nysanaly jáne kepildendirilgen transfertter bólýdi qamtamasyz etý úshin 788 mln AQSh dollary satyldy», - dedi ol.
Onyń atap ótýinshe, Ulttyq qordyń investitsiialyq kirisi osy jylǵy sáýirde 1,1 mlrd AQSh dollary nemese 2 paiyz boldy. Bul rette aktsiialar portfeliniń ósýi 734 mln AQSh dollaryn, obligatsiialar portfeliniń ósýi 278 mln AQSh dollaryn jáne altynnyń ósýi 106 mln AQSh dollaryn qurady.
«Jyldyń basynan bastap Ulttyq qordyń investitsiialyq kirisi negizinen osy jylǵy sáýirde obligatsiialar naryǵynyń qalpyna kelýi jáne aktsiialar naryǵyndaǵy ósý arqasynda 940 mln AQSh dollaryn nemese 1,7 paiyzdy qurady», - dedi Erbolat Dosaev.
