Ulttyq qoǵamdyq senim keńesiniń quramyna rotatsiia júrgizildi. Bul týraly Prezidenttiń baspasóz hatshysy Berik Ýáli málimdedi, - dep habarlaidy Tengrinews.kz tilshisi.
Ulttyq keńes quramyna Azamattyq alians prezidenti Baný Nurǵazieva, jergilikti ózin-ózi basqarýdy damytý institýtynyń direktory, Petropavl qoǵamdyq keńesiniń múshesi Sergei Hýdiakov, Qazaqstan Jazýshylar odaǵy tóraǵasynyń birinshi orynbasary Aqberen Elgezek, Prezidenttik jastar kadrlyq rezerviniń múshesi, Qazaqstan strategiialyq zertteýler institýtynyń áleýmettik-saiasi zertteýler bóliminiń basshysy Indira Rysty, qarjy qyzmetkeri Rasýl Rysmambetov kirdi.
Rotatsiia aiasynda keńes quramynan Aleksandr Danilov, Laýra Demesinova, Abylai Myrzahmetov, Asqar Omarov shyǵaryldy.
"Qurylǵan sátten bastap ulttyq keńes quramy jartylai jańardy. Onyń jumysyna 20-dan asa jańa sarapshylar men azamattyq belsendiler tartyldy. Qazir ulttyq qoǵamdyq senim keńesiniń jetinshi otyrysyna daiyndyq júrgizilip jatyr", - dedi Berik Ýáli.
