Ulttyq qoǵamdyq senim keńesi jyl sońyna deiin reformalardyń kelesi toptamasyn ázirleidi. Bul jaiynda Qazaqstan Prezidenti Qasym-Jomart Toqaev informburo.kz aqparattyq-saraptamalyq portalyna bergen ekskliýzivti suhbatynda aitty, dep habarlaidy QazAqparat.
«Ulttyq qoǵamdyq senim keńesi memlekettik júiemizdi reformalaý boiynsha paidaly usynystardy túrlendirýge qabiletti keńes retinde ózin jaqsy jaǵynan kórsetti. Saiasi reformalardyń birinshi toptamasynyń zań shyǵarmashylyq protsesi bastalyp ketti. Ekonomikalyq salada aýqymdy is atqarylyp jatyr», dedi Memleket basshysy.
QR Prezidenti osy jyldyń sońyna deiin Ulttyq qoǵamdyq senim keńesi reformalardyń kelesi toptamasyn ázirleitindigin atap ótti.
«Memlekettik qyzmetshilerdi jumyldyrý arqyly qaýyrt jumys júrgizilip jatyr. Keńeske memleketimizdiń qurylysyna óz úlesin qosýdy qalaityn jańa adamdar kelgisi keledi. Olar: tanymal zańgerler, azamattyq belsendiler. Sondyqtan taiaý ýaqytta men buǵan deiin habarlaǵan aýys- túiis jariia etiledi», - dedi Qasym-Jomart Toqaev.
