Osydan eki jyl buryn qurylǵan ulttyq qoǵamdyq senim keńesi birqatar ózekti máseleniń kóterilýine bastamashy boldy. Sonyń ishinde eldiń ishki migratsiiasy, jerdiń sheteldikterge satylýy men jalǵa berilýi týraly másele kóterilgen bolaty. 25 aqpanda ulttyq qoǵamdyq senim keńesiniń otyrysynda Qasym-Jomart Toqaev jerdiń sheteldikterge satylyp jatqany týraly áńgimege qatysty "bul másele týraly qaýesetti" toqtatý úshin sheteldikter men sheteldik kompaniialarǵa aýylsharýashylyq jerlerin satýǵa jáne jalǵa berýge zańdy túrde tyiym salý týraly sheshim qabyldaǵanyn aitty, - dep habarlaidy «Ult aqparat».
Sodan keiin Qazaqstan Májilisiniń depýtattary sheteldikterge jer satýǵa jáne jalǵa berýge tyiym salatyn zań jobasyn jumysqa aldy. 12 naýryzda Qazaqstan prezidenti Qasym-Jomart Toqaev qujatty Parlamentke Palatanyń qaraýyna jiberdi.
Májilismen Erlan Barlybaev zań jobasyn qabyldaýdyń maqsaty sheteldikterdiń, azamattyǵy joq adamdardyń, sheteldik zańdy tulǵalardyń, sheteldik qatysýy bar QR zańdy tulǵalarynyń, halyqaralyq uiymdardyń, sondai-aq halyqaralyq qatysýy bar ǵylymi ortalyqtardyń aýyl sharýashylyǵy maqsatyndaǵy jer ýchaskelerin jeke menshik quqyǵymen jáne ýaqytsha jer paidalaný quqyǵymen ielenýine tyiym salý bolyp tabylatynyn habarlady.
"Agrarlyq máseleler jónindegi Komitet atalǵan zań jobasyn jumysqa alýǵa jáne ol boiynsha qorytyndy ázirleýge daiyn", - dedi depýtat.
Osylaisha "Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly" zań jobasy Májiliske pysyqtaýǵa jiberildi.
"Talqylaý barysynda Senattyń turaqty komitetterinen jáne Senattyń jekelegen depýtattarynan zań jobasynyń normalaryna qatysty eki usynys kelip tústi, olar salystyrma kestege jinaqtalǵan. Osy usynystarǵa sáikes Jer kodeksiniń 48 jáne 128-baptaryna jeke orman ósirý úshin tek Qazaqstan azamattary men Qazaqstan Respýblikasynyń zańdy tulǵalaryna sheteldik qatysýsyz jer berý usynylady", - dep habarlady senator Abdaly Nuraliev.
Qazaqstanda 2021 jylǵy 31 Jeltoqsanda Jer kodeksiniń qazaqstandyqtarǵa jáne sheteldikterge aýyl sharýashylyǵy jerlerin jalǵa berýge, sondai-aq qazaqstandyq fermerlerge ýchaskelerdi satýǵa qatysty jekelegen erejelerine moratorii merzimi aiaqtalady.
Jer qatynastary máseleleri jónindegi zań jobasy Aýyl sharýashylyǵy jerlerin sheteldikterge jáne sheteldik kompaniialarǵa, sheteldik úlesi bar qazaqstandyq kompaniialarǵa, azamattyǵy joq adamdarǵa, halyqaralyq qatysýy bar ǵylymi ortalyqtarǵa, sondai-aq qandastarǵa (Otanyna oralǵan etnikalyq qazaqtar) berýge tolyq tyiym salýdy kózdeidi.
Qandastar jeke qosalqy sharýashylyq, baý-baqsha jáne saiajai qurylysy úshin jer ýchaskesin ala alady. Bul rette olar aýyl sharýashylyǵy jerlerin Qazaqstan azamattyǵyn alǵannan keiin ǵana jalǵa ala alady.
Kelesi bir otyrysta Qazaqstan Parlamentiniń Májilisi jer qatynastary máseleleri boiynsha túzetýlerge qatysty Senattyń ózgeristerimen kelisti.
Senattyń tolyqtyrýlaryna sáikes jeke orman ósirý úshin jerler tek Qazaqstan azamattary men Qazaqstannyń sheteldik qatysýy joq zańdy tulǵalaryna ǵana beriletin bolady.
Sáýirde ótken jalpy otyrysta Májilis depýtattary Senattyń tolyqtyrýlarymen kelisti. Depýtat Berik Ospanovtyń aitýynsha, Senat usynǵan ózgerister zań jobasynyń tujyrymdamasyn buzbaidy.
Osylisha qabyldanǵan zań sheteldikterge jáne sheteldik kompaniialarǵa, sheteldik úlesi bar qazaqstandyq kompaniialarǵa, azamattyǵy joq adamdarǵa, halyqaralyq qatysýy bar ǵylymi ortalyqtarǵa, sondai-aq Otanyna oralǵan etnikalyq qazaqtarǵa qandastarǵa aýyl sharýashylyǵy jerlerin berýge tolyq tyiym salýdy kózdeidi.
Sheteldikter men sheteldik úlesi bar qazaqstandyq kompaniialar buryn jalǵa alǵan aýyl sharýashylyǵy jerlerin paidalaný merzimderin uzartýǵa bolmaidy. Mundai jerler paidalaný merzimi aiaqtalǵanǵa deiin ǵana ielik etedi.
Esterińizge sala keteiik, Qazaqstan Májilisiniń depýtattary sheteldikterge jer satýǵa jáne jalǵa berýge tyiym salatyn zań jobasyn jumysqa aldy. Qazaqstan prezidenti Qasym-Jomart Toqaev qujatty Parlamentke Palatanyń qaraýyna jiberdi.
Májilismen Erlan Barlybaev zań jobasyn qabyldaýdyń maqsaty sheteldikterdiń, azamattyǵy joq adamdardyń, sheteldik zańdy tulǵalardyń, sheteldik qatysýy bar QR zańdy tulǵalarynyń, halyqaralyq uiymdardyń, sondai-aq halyqaralyq qatysýy bar ǵylymi ortalyqtardyń aýyl sharýashylyǵy maqsatyndaǵy jer ýchaskelerin jeke menshik quqyǵymen jáne ýaqytsha jer paidalaný quqyǵymen ielenýine tyiym salý bolyp tabylatynyn habarlady.
