Ulttyq qoǵamdyq senim keńesiniń múshesi Arman Qashqynbekov zeinetaqy jinaǵyn azamattarǵa paidalanýǵa ruqsat berý boiynsha Prezidentke tyń usynys bildirdi, dep habarlaidy "Ult aqparat".
«Ulttyq qoǵamdyq senim keńesiniń ekonomikalyq jańǵyrý boiynsha jumys tobynyń usynystarynyń biri – azamattarǵa zeinetaqy jinaǵyn JOO-da oqý aqysyn tóleý úshin paidalanýǵa ruqsat berý. Qazirgi ýaqytta tek zeinetaqy jinaǵyn úi alý nemese densaýlyq jaǵdaiyna bailanysty paidalanýǵa ruqsat berý týraly másele qaralyp jatqanyn atap ótý kerek. Jalpy bul másele qazirgi ýaqytta Prezident Ákimshiligimen jáne Úkimetpen birge keńinen talqylanýda», - dedi Arman Qashqynbekov Ulttyq keńestiń tórtinshi otyrysynda.
Eske sala ketsek, búgin Memleket basshysy Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy ótti. Shara barysynda memlekettik basqarý reformasy, áleýmettik jáne ekologiialyq máselelerdi sheshý, balalardyń quqyqtaryn qorǵaý, erekshe muqtajdyǵy bar adamdardy qoldaý máseleleri qaraldy.
