Búgin Prezidenttiń qatysýymen ótken Ulttyq qoǵamdyq keńes otyrysyna qatysty QR Parlamenti Májilisi depýtaty Erlan Sairov pikir bildirdi, dep habarlaidy QazAqparat.
«Búgin elimizdiń qoǵamdyq ulttyq kenesiniń májilisi ótti. Bul basqosýda Prezident Qasym-Jomart Toqaev birneshe óte mańyzdy málimdeme jasady. Ol málimdeme bizdiń elimizdegi saiasi reformalardyń jalǵasy jóninde boldy. Iaǵni, partiialardyń parlamentke ótý mejesiniń azaiýy, sonymen birge biýlletenderdiń barlyǵyna qarsy degen normanyń engizilýi zań boiynsha ary qarai jalǵasyn tabatyn bolady. Bizdiń elimizdegi aýyldardyń ákimderin sailaý jónindegi naqty merzim anyqtaldy. Sonymen birge, 2024 jyldan bastap aýdan ákimderin sailaityn tetikter engiziletin bolady. Bul - bizdiń elimizdegi saiasi bildiredi», - dedi Erlan Biahmetuly.
Májilis depýtaty qazaqstandyqtardy tolǵandyrǵan basty máselege núkte qoiylǵanyn aitty.
«Eń negizgi másele, Qasym-Jomart Toqaev Qazaqstandaǵy sheteldik azamattarǵa jerdi arendaǵa berýge, satýǵa tolyq tiym salý jónindegi zań normasyn engizetindigin aitty. Bul bizdiń elimizdegi jer máselesine jalpyulttyq diskýssiianyń núkte qoiylǵandyǵyn kórsetedi. Iaǵni, jer resýrstary tek qana QR azamattaryna qyzmet etetin bolady. Biraq degenmen de jer ekonomikalyq resýrs. Ol bizdiń halqymyzǵa igilik ákelýi kerek. Bizdiń elimizdegi jer resýrstaryn memlekettiń damýy úshin paidalaný jóninde máseleni sheshý úshin ókimettiń janynan qoǵamdyq komissiia qurylady. Sol qoǵamdyq komissiia jer máselesin pysyqtaityn bolady. Jyldyń aiaǵyna deiin úkimet óz usynystaryn engizetin bolady. Endi búgingi tańdaǵy eń negizgi másele – Qazaqstannyń jer resýrstaryna bailanysty bolatyn. Osy másele jan-jaqty pysyqtaldy, anyqtaldy. Memleketimiz el azamattarynyń múddesi turǵysynan jumys isteitindigi kórinip tur. Búgingi tańda bul ulttyq keńes bir qoǵamdyq uiym emes, bizdiń elimizdegi saiasi ekonomikalyq reformalardyń basty alańyna ainaldy», - dedi depýtat.
