Qazaqstandaǵy JOO-lardy memlekettik jáne jeke dep bólmei, jaqsy jáne jaman dep bólý kerek. Ulttyq qoǵamdyq senim keńesiniń kezekti otyrysynda Ulttyq qoǵamdyq senim keńesiniń múshesi Asylbek Qojahmetov osylai aitty, dep habarlaidy QazAqparat.
«Birinshi kezekte bizge oqytý paradigmasyn ózgertý kerek. Jeke tulǵany damytý tásiline kóshý kerek. Stýdentke mamandyqpen birge ómirlik baǵyt-baǵdar boiynsha bilim berý kerek. Patriotizmi sińirip, ómirge úiretý kerek. Álihan Bókeihan aitqandai, «ultqa qyzmet etý bilimnen emes, minezden». Bizge JOO-lardyń ashyq básekesin damytý kerek. Ol úshin «JOO-lardyń básekege qabilettilik baǵdarlamasyn» usynamyn. JOO-lardy memlekettik jáne jeke dep bólmei, jaqsy jáne jaman dep bólý kerek», - dedi Asylbek Qojahmetov Ulttyq qoǵamdyq senim keńesiniń kezekti otyrysynda.
Onyń aitýynsha, halyqaralyq jáne ulttyq deńgeide básekege qabiletti JOO-lar bolýy tiis.
Condai-aq, keńes múshesi sheteldegi qandastarǵa kóptep grant bólýdi usyndy.
«Bizge qandastar úshin bólinetin granttardyń sanyn arttyrý kerek. Sebebi shettegi qazaqtardy otandyq Joǵary oqý oryndaryna tarta bilsek, olardy elde qaldyrý múmkindikteri de arta túsedi», - dedi Asylbek Qojahmetov.
Sonymen qatar ol Bilim jáne ǵylym ministrliginiń JOO-lardy avtonomiialandyrý baǵytyndaǵy jumysyn qoldaitynyn jetkizdi.
«JOO-larǵa avtonomiialyq mártebe berý – olardyń jaýapkershiligin arttyra túsedi. Olarǵa barlyq quziret berilýi kerek», - dedi Ulttyq keńes múshesi.
