Ulttyq qoǵamdyq senim keńesiniń múshesi Tóleýtai Rahymbekov aýyldy jerlerde innovatsiiany damytý úshin bilimniń ulttyq júiesin qurý boiynsha baǵdarlama ázirleýdi usyndy, dep habarlaiy QazAqparat.
«Bilim berý salasynda jaǵymdy jańalyqtar da bar. Qazirgi tańda eki agrarlyq ýniversitetke ulttyq agrarlyq jáne astanalyq S.Seifýllin atyndaǵy Agrotehnikalyq ýniversitetke ǵylymi zertteý ýniversiteti mártebesin berý týraly Úkimet qaýlysynyń jobasy memlekettik organdardyń qaraýyna engizildi. Aýyldy jerlerde innovatsiiany sátti qoldaný úshin bilimdi taratý júiesi óte mańyzdy. Biraq búgin de ol da shashyrańqy kúide. Aýyldy jerlerde bilim taratýdyń ulttyq júiesin qurý boiynsha baǵdarlama ázirlep, onyń biryńǵai operatory retinde ulttyq agrarlyq ǵylymi bilim berý ortalyǵyn anyqtaýdy usynamyn», - dedi Tóleýtai Rahymbekov Ulttyq qoǵamdyq senim keńesiniń kezekti otyrysynda.
Onyń aitýynsha búgin de ǵylymi jetistikterdiń dál osy bilim taratý júiesiniń damýyna tikelei bailanysty.
«Ókinishke qarai aldaǵy jylǵa agrarlyq ǵylymdy qarjylandyrý kólemi josparlanǵan deńgeiden 6 ese kem somaǵa qysqartylyp jatyr. Árine búgingi jaǵdaida biýdjet shyǵystaryn azaitý qajettigin tolyǵymen túsinemiz. Biraq ǵylymdy ortasha elder deńgeiinen 12,5 ese az qarjylandyrýdy ońtaily sheshim dep eseptemeimin», - dedi ol.
