Ulttyq keńestiń hatshylyǵy qoǵam ókilderiniń ministrlermen onlain formatta kezdesýin uiymdastyrý tájiribesin jańǵyrtty. Osy oraida búgin Ulttyq keńes músheleriniń QR Ádilet ministri Marat Beketaevpen kezdesýi ótti. Bul týraly Facebook-tegi paraqshasynda QR Prezidentiniń kómekshisi Erlan Qarin jazdy, dep habarlaidy "Ult aqparat".
Kezdesý barysynda M. Beketaev Ulttyq keńes múshelerine «halyq únine qulaq asatyn memleket» tujyrymdamasy, norma shyǵarý protsesin jetildirý, Ákimshilik rásimdik-protsestik kodeksiniń negizgi jańashyldyqtary aiasynda Prezidenttiń jekelegen tapsyrmalaryn júzege asyrý barysyn baiandap berdi.
Óz kezeginde Ulttyq keńes músheleri ministrge saladaǵy túrli baǵyttar boiynsha suraqtaryn qoidy.
E. Qarin atalǵan kezdesý aitarlyqtai mazmundy ótkenin, ZOOM-konferentsiia eki saǵattan astam ýaqyt boiy jalǵasqanyn jetkizdi.
«Árine, birqatar másele boiynsha kezdesýge qatysýshylar túrli ustanymda boldy. Taraptar ózara dialogqa jáne qoǵamnyń mańyzdy máselelerin sheshýge ózderiniń daiarlyǵyn kórsetti. Memlekettik organdarmen ózara is-qimyldyń bul formaty ary qarai jalǵasady jáne jaqyn arada basqa ministrlermen osyndai kezdesýlerdi ótkizý josparlanyp otyr», - dep jazdy Erlan Qarin.
