Bilim berýdegi alshaqtyqty azaitý úshin shaǵyn jinaqtalǵan aýyl mektepterin bilikti kadrlarmen qamtamasyz etý kerek. Bul týraly QR Prezidenti Qasym-Jomart Toqaev aitty, dep habarlaidy QazAqparat.
«Kelesi bir mańyzdy mindet – qalalyq jáne aýyldyq mektepter arasyndaǵy alshaqtyqty azaitý. PISA málimetteri boiynsha qazir aradaǵy alshaqtyq 1,5 jyldy quraidy. Barlyq balalar turǵylyqty jerine nemese áleýmettik jaǵdaiyna qaramastan sapaly bilimge qol jetkizýi kerek. Aita ketý kerek, qalalyq jáne aýyl turǵyndary arasyndaǵy bilim alshaqtyǵy úrdisi birqatar memlekette bar», - dep atap ótti Memleket basshysy Ulttyq qoǵamdyq senim keńesiniń onlain formattaǵy 3-otyrysynda.
Prezident bul jaǵdaiǵa baiypty, naqty kózben qaraý kerektigin aitty.
«Bul máseleni dramaǵa salýdyń qajeti joq, jai ǵana sharalar qabyldaý qajet. Alshaqtyqty azaitý úshin aýyldaǵy shaǵyn jinaqtalǵan mektepterdi bilikti oqytýshylar quramymen qamtamasyz etý kerek», - dedi Q. Toqaev.
