Foto: Akorda.kz
Búgin Prezident Qasym-Jomart Toqaevtyń tóraǵalyǵymen Qazaqstan Respýblikasy Qaýipsizdik Keńesiniń kezekti otyrysy ótti, - dep habarlaidy "Ult aqparat" Aqorda saityna silteme jasap.
Jiynda 2021-2025 jyldarǵa arnalǵan Ulttyq qaýipsizdik strategiiasyn júzege asyrý aiasynda qabyldanǵan Ulttyq qaýipsizdikke tónetin qaterlerdiń aldyn alý jónindegi is-qimyl josparynyń oryndalý máseleleri qarastyryldy.
Otyrys barysynda Premer-Ministrdiń birinshi orynbasary Roman Skliar baiandama jasady, sondai-aq birqatar múddeli memlekettik organ basshylary málimet berdi.
Memleket basshysy qazirgi jaǵdaida syn-qaterler men ulttyq qaýipsizdikke tónetin qaýipke obektivti baǵa berip, tiisti sharalardy ázirleý qajet ekenin atap ótti.
Jiyn sońynda ulttyq qaýipsizdikke tónetin qaterlerdiń aldyn alý jáne ulttyq múddeni qorǵaý júieleriniń tiimdiligin arttyrýǵa baǵyttalǵan sheshimder qabyldandy.
