Foto: gov.kz
Májilistiń jalpy otyrysynda ulttyq qaýipsizdikti qamtamasyz etý jáne arnaýly memlekettik organdarda qyzmet ótkerý týraly zań jobasy birinshi oqylymda qabyldandy, - dep habarlaidy Tengrinews.kz.
Májilis depýtaty Aigúl Quspannyń aitýynsha, zań jobasynyń maqsaty - ulttyq qaýipsizdik salasyndaǵy zańnamany odan ári jetildirý. Zań jobasy eki kodeks pen 11 zańǵa ózgerister men tolyqtyrýlar engizedi.
"Áskeri-ónerkásiptik keshen uiymdaryn strategiialyq obektilerge jatqyzý jáne qorǵanys jáne qaýipsizdik qajettilikteri úshin taýarlar men qyzmetterdi satyp alý kezinde sybailas jemqorlyq táýekelderin boldyrmaýǵa kómektesetin normalardy engizý kózdeledi", - delingen zań jobasynyń qorytyndysynda.
Sonymen qatar, erekshe qorǵalatyn tabiǵi aýmaqtardyń jerlerin memlekettik shekara obektilerin salý, jailastyrý jáne olardyń jumys isteýi jáne qorǵanys muqtajdary úshin bosalqy jerlerge aýystyrý múmkindigi beriledi.
"Zań jobasyna sáikes ulttyq qaýipsizdik organdaryna jeke quramdy patriottyq, adamgershilik-rýhani tárbieleýge jáne ulttyq qaýipsizdik organdarynda quqyq buzýshylyqtyń aldyn alýǵa baǵyttalǵan jumystardy júzege asyrý júktelgen. Ulttyq qaýipsizdik organdaryna tártip standartyn jáne shekara qyzmetiniń áskeri qyzmetshisiniń shekaralyq baqylaý kezinde minez-qulyq standartyn engizý usynyldy", - dedi depýtat.
Aita keteiik, zań jobasyna Parlament depýtattary bastamashy bolǵan.
