Qyrǵyzstannyń burynǵy premer-ministri Sapar Isakov Ulttyq qaýipsizdik memlekettik komitetine Bishkek jylý elektr ortalyǵyn modernizatsiialaý isi boiynsha kýáger retinde jaýap alýǵa shaqyrylǵan. Bul týraly Sputnik Kyrǵyzstan komitettiń resmi ókili Rahat Súleimanovqa silteme jasai otyryp habarlaidy.
Búgin taiaýda otstavkaǵa ketken Sapar Isakov áleýmettik jelidegi paraqshasynda ulttyq qaýipsizdik komitetine jaýap alýǵa shaqyrylǵanyn málim etken edi.
26 qańtarda Bishkekte jylý elektr ortalyǵynda apat bolyp, onyń qýaty eki eseden tómen túsip ketken. Saldarynan qala turǵyndarynyń úii kúrt sýyp ketedi. Osy oqiǵadan keiin jylý elektr ortalyǵynyń basshysy jumystan shyǵaryldy. Keiin ol nysandy jańǵyrtýǵa qajet material men qondyrǵylardyń kóterińki baǵamen satyp alynǵanyn málim etti. Stantsiiany modernizatsiialaýǵa 386 million dollar kólemindegi kreditti Qytai bergen.
JEO modernizatsiialaý isi boiynsha úsh adam ustalǵan. Olar qylmystyq kodekstiń jemqorlyq baby boiynsha qamaýǵa alyndy.
