Ulttyq qaýipsizdik komiteti Kaspii teńizinde qyzmetti júzege asyrýdyń tártipterin túsindirdi, dep habarlaidy "Ult aqparat".
«Qazaqstan Respýblikasynyń keibir zańnamalyq aktilerine Kaspii teńizinde qyzmetti júzege asyrýǵa bailanysty máseleler boiynsha ózgerister men tolyqtyrýlar engizý týraly» № 11-VII QRZ Zańy kúshine endi.
Zań ulttyq zańnamaǵa halyqaralyq sharttyń normalaryn implementatsiialaidy jáne Qazaqstan Respýblikasynyń Kaspii teńiziniń quqyqtyq mártebesi týraly Konventsiianyń (budan ári – Konventsiia) kúshine enýine ázirligin qamtamasyz etedi.
Konventsiiada jaǵalaýdaǵy memleketterdiń eni 15 teńiz miline deiingi aýmaqtyq sýlardy jáne eni 10 teńiz miline deiingi balyq aýlaý aimaǵyn belgileý, sondai-aq shektes jáne qarama-qarsy jatqan memlekettermen ýaǵdalastyq boiynsha óz túbi men jer qoinaýy sektoryn ajyratý quqyǵy kózdelgen.
«Qazaqstan Respýblikasynyń Memlekettik shekarasy týraly» Zańnyń 16-babyna sáikes qazaqstandyq kásipshilik kemelerge Qazaqstan Respýblikasynyń Memlekettik shekarasyn birneshe ret kesip ótýge ruqsat alý talaptary saqtalǵan jaǵdaida táýliktiń kez kelgen ýaqytynda ishki jáne aýmaqtyq sýlarǵa shyǵý quqyǵy berildi.
Zańnyń 48-babynyń 6-tarmaǵyna sáikes aýmaqtyq sýda (teńizde) jáne shaǵyn kólemdi kemelerdegi ishki sý sharýashylyq qyzmetti júzege asyratyn qazaqstandyqtarǵa rejimdik shekteýlersiz eki milge deiingi qashyqtyqqa teńizge erkin shyǵýǵa ruqsat etiledi. Bul rette múddeli memlekettik organdar men uiymdardyń (UQK, IIM) tiisti usynymy qajet.
UQK jeke jáne zańdy tulǵalar demalý, týrizm jáne sport úshin paidalanatyn qazaqstandyq shaǵyn kólemdi ózdiginen júzetin jáne ózdiginen júzbeitin (sýústi jáne sýasty) kemelerdiń (quraldardyń) rejimdik shekteýlerdiń qoldanylýy, belgilengen akvatoriiada júzýi jáne (nemese) paidalanylýy toqtatyla turatyn Kaspii teńizi jaǵalaýy ýchaskeleriniń tizbesin jyl saiyn belgileidi.
