Foto: UQK
Ulttyq qaýipsizdik komiteti psihotropty zattardyń iri óndirisin joidy, - dep habarlaidy "Ult aqparat" UQK baspasóz qyzmetine silteme jasap.
Vedomstvo málimetinshe, sintetikalyq esirtkiniń rekordtyq partiiasy zańsyz ainalymnan alyndy.
"18 qańtarda Almaty qalasynda jalǵa alynǵan jeke úide psihotropty zattardy daiyndaý protsesinde esirtki zerthanasyn uiymdastyrýshy, 1997 jyly týǵan Qazaqstan azamaty ustaldy.
Tintý kezinde 200 kg astam «mefedron» esirtkisiniń daiyn ónimi jáne 100 litr shikizaty alyndy.
Daiyn esirtki zattarynyń mundai salmaǵy atalǵan zerthananyń eldegi eń irisi bolǵanyna negizdeme beredi. Alynǵan «mefedron» kólemi shamamen 610 myń bir rettik dozaǵa ekvivalentti.
Bul rette, esirtkiler Qazaqstan aýmaǵynda ótkizý úshin arnalǵan" - delingen habarlamada.
Vedomstvo málimetinshe, sot sheshimimen figýranttarǵa qamaýda ustaý túrindegi bultartpaý sharasy taǵaiyndaldy.
Qylmystyq kodekstiń 297-baby 3-bóligi boiynsha sotqa deiingi tergep-tekserý júrgizilip jatyr.
