Foto: 2gis.kz
Qazaqstannyń Ulttyq ǵylym akademiiasy jarǵylyq kapitalyna memleket júz paiyz qatysatyn kommertsiialyq emes aktsionerlik qoǵamǵa ainalady. QR Úkimeti tiisti qaýlyny qabyldady, dep habarlaidy "Ult aqparat" primeminister.kz saityna silteme jasap.
«Qazaqstan Respýblikasynyń Ulttyq ǵylym akademiiasy» KEAQ qyzmetine: áleýmettik-ekonomikalyq damý basymdyqtaryna sáikes ǵylymi, ǵylymi-tehnikalyq jáne innovatsiialyq qyzmettiń basym baǵyttaryn, sondai-aq Qazaqstan Respýblikasyndaǵy strategiialyq, irgeli jáne qoldanbaly ǵylymi zertteýlerdiń basym baǵyttaryn aiqyndaý jónindegi usynymdardy ázirleý; ǵylym salasynda ataýly syilyqtar men stipendiialar alýǵa konkýrstar ótkizý; ǵylym men tehnikanyń ártúrli salalarynda ǵylymi zertteýler júrgizý; ǵylymi jýrnaldar shyǵarý, halyqaralyq ǵylymi jáne ǵylymi-tehnikalyq yntymaqtastyqty damytýǵa qatysý; ǵylymdy tanymal etýge qatysý jáne t.b. kiredi.
QR UǴA jumysyn qarjylandyrý respýblikalyq biýdjetten bólingen biýdjet qarajaty esebinen júredi.
Eske sala keteiik, biylǵy 1 maýsymda Qazaqstannyń Ulttyq ǵylym akademiiasynyń mereitoilyq sessiiasynda Memleket basshysy Qasym-Jomart Toqaev biýdjetten qarjy bólip, memlekettik mártebe bere otyryp, Akademiianyń rólin arttyrýdy tapsyrǵan bolatyn. Akademikterdiń usynysy boiynsha Úkimet UǴA-ny transformatsiialaý jónindegi memlekettik komissiia qurdy. Onyń negizgi mindeti Akademiia qyzmetiniń negizgi baǵyttary boiynsha biryńǵai ustanymdy qalyptastyrý boldy.
