Qazaqstanda sońǵy ailary turǵyn úilerdiń baǵasy bir deńgeide saqtalyp keledi. Bul týraly QR Ulttyq ekonomika ministrligi Statistika komitetiniń ókilderi aitty, - dep habarlaidy kaz.tengrinews.kz.
Statistikalyq málimetterge súiensek, 2017 jyldyń naýryzynda elimizdegi páterlerdiń bir sharshy metriniń ortasha baǵasy 249 152 teńge boldy. Bul qańtardaǵy baǵamen salystyrǵanda 0,4 paiyzǵa kóterilgenin aitady. Al bul baǵany 2016 jyldyń jeltoqsan aiyndaǵy kórsetkishimen salystyratyn bolsaq, jańa turǵyn úidiń baǵasy ózgermegen.
Komitettiń málimetinshe, 2017 jyldyń aqpan aiynda kóppáterli úilerdegi páterlerdiń bir sharshy metrine ketken shyǵyn 132 000 teńgege jetken.
Sondai-aq, naýryz aiynda abattandyrylmaǵan turǵyn úilerdi alyp satý baǵasynyń 2017 jyldyń aqpanyndaǵy jáne jyldyń basyndaǵy kórsetkishpen salystyrǵanda 0,1 paiyzǵa tómendep, sharshy metr úshin 115 251 teńge bolǵany aitylady. Al abattandyrylǵan turǵyn úilerdiń baǵasy naýryz aiynda sharshy metr úshin 188 195 teńgege jetip, aqpandaǵy baǵadan 0,1 paiyzǵa tómendegen.
