Foto:gov.kz
Almatyda burynǵy ulttyq ekonomika vitse-ministri Iliias Óserovke (Almaty qalasy ákiminiń eks-orynbasary), Ulttyq qaýipsizdik komiteti departamenti bastyǵynyń burynǵy orynbasary Talǵat Muhanovqa jáne Almaty qalasy Qarjy basqarmasynyń eks-basshysy Ainur Qudaibergenovaǵa qatysty sot protsesi aiaqtaldy, dep habarlaidy "Ult aqparat".
Almaty qalasy Medeý aýdanynyń №2 aýdandyq sotynda QR Qylmystyq kodeksiniń 190-baby 4-bóliginiń 2-tarmaǵy, 28-baby 5-bóligi, sondai-aq 190-baby 4-bóligi (alaiaqtyq jáne alaiaqtyqqa járdemdesý) boiynsha sottalýshylar - M., Ý. jáne K.-ǵa qatysty qylmystyq is qaraldy.⠀
Sot baspasóz qyzmetiniń málimetinshe, UQKD bastyǵynyń orynbasary M. aldaý jolymen Almaty qalasy ákiminiń orynbasary Ý. jáne Memlekettik aktivter basqarmasynyń basshysy K. arqyly sot úkimi boiynsha tárkilengen 5 múlik nysanyn kórineý tómendetilgen baǵamen ielengen.⠀
"Sottalýshylar - M., Ý. jáne K. óz kinálaryn moiyndamady. Sottan ózderin aqtaýdy surady.
Al prokýror sottalýshy M.-dy 8 jyl, Ý.-dy 6 jyl 8 ai, al K.-ny 6 jyl bas bostandyǵynan aiyrýdy surady.
Jábirlenýshi MAB ókili jazany sottyń qaraýyna qaldyrdy, zalaldyń ótelýi sebepti shaǵymdary joq.⠀
Sottalýshylardyń aiyptalǵan áreketterdi jasaýdaǵy kinási is boiynsha jinalǵan dáleldemeler, kýágerlerdiń aiǵaqtary, sot saraptamalarynyń qorytyndylary, sondai-aq aýditorlyq qorytyndymen dáleldendi" - delingen habarlamada.
Sot úkimimen M. óziniń qyzmettik jaǵdaiyn paidalana otyryp, bótenniń múlkin jymqyrǵany nemese asa iri mólsherde bótenniń múlkine quqyqty satyp alǵany úshin, al Ý. jáne K. memlekettik laýazymdy qyzmetterdi atqaratyn tulǵalar bola tura jáne óziniń qyzmettik ókilettikterin paidalana otyryp, alaiaqtyqqa járdemdeskeni úshin kináli dep tanyldy.
"M.-ǵa memlekettik qyzmette, sýdia qyzmetinde, jergilikti ózin-ózi basqarý organdarynda, Qazaqstan Respýblikasynyń Ulttyq Bankinde jáne onyń vedomstvolarynda, Qarjy naryǵy men qarjy uiymdaryn retteý, baqylaý jáne qadaǵalaý jónindegi ýákiletti organda, memlekettik uiymdarda jáne kvazimemlekettik sektor sýbektilerinde laýazymdardy atqarý quqyǵynan ómir boiyna aiyra otyryp, 8 jyl bas bostandyǵynan aiyrý túrindegi jaza taǵaiyndaldy.
Ý. jáne K.-ǵa memlekettik qyzmette, sýdia qyzmetinde, jergilikti ózin-ózi basqarý organdarynda, Qazaqstan Respýblikasynyń Ulttyq Bankinde jáne onyń vedomstvolarynda, Qarjy naryǵy men qarjy uiymdaryn retteý, baqylaý jáne qadaǵalaý jónindegi ýákiletti organda, memlekettik uiymdarda jáne kvazimemlekettik sektor sýbektilerinde laýazymdardy atqarý quqyǵynan ómir boiyna aiyra otyryp, 5 jyl bas bostandyǵynan aiyrý túrindegi jaza taǵaiyndaldy.
Jaza taǵaiyndaý kezinde sot jaýapkershilikti jeńildetetin mán-jailardy - sottalýshylarda sottylyqtyń joqtyǵyn, sottalýshylarda kámeletke tolmaǵan jáne kishkentai balalarynyń bolýyn, sondai-aq bir sottalýshynyń (M. - red.) zalaldy óteýin eskerdi.
M.-nyń aiypty aýyrlatatyn mán-jaiy - qylmystyq quqyq buzýshylyqty ant qabyldaǵan tulǵanyń júzege asyrýy" - delingen sot habarlamasynda.
Úkim zańdy kúshine engen joq.
