QR Úkimetiniń №217 qaýlysymen Rýslan Dálenov QR Ulttyq ekonomika birinshi vitse-ministri bolyp taǵaiyndaldy. Bul jaiynda atalǵan ministrliktiń baspasóz qyzmetinen málim etti, dep habarlaidy "Ult aqparat".
Rýslan Erbolatuly 1975 jyly 8 aqpanda Astana qalasynda týǵan.
Ystanbuldaǵy Marmara ýniversitetin bitirgen. Eńbek jolyn QR Memlekettik kiris ministrliginiń Kiristerdi taldaý jáne boljaý departamentinde jetekshi maman qyzmetinen bastady. Atalǵan ministrlikte basshylyq laýazymdarda qyzmet etti. QR Qarjy ministrligi Kirister, konventsiialar jáne kelisimsharttar departamenti Aǵymdaǵy kirister basqarmasy bastyǵynyń mindetin atqarýshy, Salyq komiteti Kiristerdi taldaý jáne aǵymdaǵy boljaý basqarmasynyń bastyǵy, Kiristerdi taldaý departamentiniń direktory boldy. 2008 jyldan QR Qarjy vitse-ministri qyzmetin atqardy.
