Sybailas jemqorlyqqa qarsy is-qimyl Ulttyq biýrosy para alǵandyǵy úshin birqatar laýazymdy tulǵalardy ustady, dep habarlaidy "Ult aqparat" vedomstvonyń baspasóz qyzmetine silteme jasap.
Aqmola oblysynda qurylystyq merdigerlik shartyn jasaýǵa jeń ushyn berý úshin 2,5 mln. teńge somasynda páterdi jóndeý túrinde múliktik paida tabý kúdigi boiynsha Zerendi aýdany ákiminiń orynbasary J. Qalabaevtyń qylmysy áshkerelendi.
Sondai-aq, Almaty qalasynda Memlekettik kirister departamentiniń kedendik baqylaý beketi bóliminiń basshysy S. Shegai ustaldy.
Ol kásipkerden 5,5 mln. tenge mólsherindegi anyqtalǵan keden bajyn óndirip alý jáne qaita esepteý boiynsha sharalardy qoldanbaý úshin 3 myń AQSh dollaryn para túrinde alǵany úshin kúdiktelýde.
Qazirgi ýaqytta ekeýi de ustalyp, ÝUA qamaldy. Sotqa deiingi tergeý júrgizilýde.
