Sybailas jemqorlyqqa qarsy is-qimyl ulttyq biýrosy Viktor jáne Leila Hrapýnovtarǵa qatysty qylmystyq isti tergep jatyr, dep habarlaidy vedomstvonyń baspasóz qyzmeti.
Qazirgi tańda tergeý barysynda jinalǵan dáleldemeler kúdikti V.V. Hrapýnovtyń áreketteri 1996 jylǵy QR QK 235-baby (bir nemese birneshe qylmys jasaǵany úshin uiymdasqan top qurý jáne ony basqarý, sondai-aq oǵan qatysý), 176-baby (senip tapsyrylǵan múlikti zańsyz ielený jáne urlaý), 177-baby (alaiaqtyq jasaý), 193-baby (zańsyz jolmen alynǵan aqshany jáne ózge múlikti zańdastyrý), 307-baby (laýazymdyq ókildigin asyra paidalaný), 311-baby (para alý) boiynsha asa aýyr qylmystar jasaǵanyn anyqtaýǵa múmkindik berdi.
L.K.Hrapýnovanyń quqyqqa qaishy áreketteri 235-baby (bir nemese birneshe qylmys jasaǵany úshin uiymdasqan top qurý jáne ony basqarý, sondai-aq oǵan qatysý), 177-baby (alaiaqtyq jasaý) jáne 193-babyna (zańsyz jolmen alynǵan aqshany jáne ózge múlikti zańdastyrý) sáikes kelse, al A.K.Iliiasov 177-baby (alaiaqtyq jasaý) boiynsha aiyptalýda.
Qazaqstan Respýblikasy Qylmystyq is júrgizý kodeksiniń 206-babynyń 1-bóligine sáikes (QR Qylmystyq is júrgizý kodeksi) kúdiktiniń áreketin saralaý týraly qaýly úkim shyqqan kúnnen bastap jiyrma tórt saǵattan keshiktirmei jariialanady. Kúdikti nemese onyń qorǵaýshysy kelmegen jaǵdaida, qaýly jiyrma tórt saǵat ótken soń jariia etilýi múmkin.
Kúdikti V.V.Hrapýnov, L.K.Hrapýnova jáne A.K.Iliiasovtyń QR aýmaǵynan tys jerde turýyna jáne qatysýdan jaltarýǵa bailanysty Sybailas jemqorlyqqa qarsy is-qimyl qyzmeti zańǵa sáikes, prokýrormen kelise otyryp BAQ-ta olardyń áreketterin saralaý týraly habarlama jariialaidy.
Úkimniń jariialanýyna qatysý úshin jáne qajetti tergeý áreketterin júrgizý úshin kúdikti V.V.Hrapýnov, L.K.Hrapýnova jáne A.K.Iliiasov 2017 jyldyń 24 qazanyna deiin Sybailas jemqorlyqqa qarsy is-qimyl ulttyq biýrosynyń myna mekenjaidaǵy ákimshilik ǵimaratyna kelýi tiis: QR, Astana q., Seifýliin kóshesi, 37.
Eske salaiyq, budan buryn biyl 17 qazanda QR Memlekettik qyzmet isteri jáne sybailas jemqorlyqqa qarsy is-qimyl agenttiginiń sybailas jemqorlyqqa qarsy kúres boiynsha Ulttyq biýrosy kúdikti Viktor Hrapýnov pen Leila Hrapýnovany, A.K.Iliasovty jaýap alýǵa shaqyrǵan edi. Alaida olar qylmystyq ispen tanysý úshin Qazaqstanǵa kelgen joq.
