QR Ulttyq bankiniń eks-tóraǵasy (1998-1999 jyldary bolǵan - red.) Qadyrjan Damitov burynǵy tóraǵalardyń kezdesýinde eski banknottardyń kózin qalai joiǵanyn aityp berdi, dep habarlaidy Ult.kz tilshisi QazAqparat agenttigine silteme jasap.
«Keńes úkimeti kezinde Jambyl (Taraz) men Petropavl qalalarynda eski aqshalardy saqtaityn eki aimaqtyq qoima boldy. Sodan keiin túsiniksiz kezeń bastalyp, Odaq qulady. Keńes rýblin qoldaný zańsyz boldy. 1998 jyly atalǵan eki qoima eski aqshaǵa toldy. Aqsha shiri bastady, eski aqshanyń iisi jaman bolady», - dep esine aldy Qadyrjan Damitov.
Sózinde Q.Damitov taǵy bir máseleni eske túsirdi.
«Ol kezde Reseidiń Tsentrobankimen bailanys boldy. Endigi jerde eski aqshany solarǵa tapsyrý kerek pe, álde olarǵa sanatý qajet pe degen másele boldy», - dedi Q.Damitov. Reseidiń Ortalyq bankine jazylǵan hatqa olardyń tarapynan naqty jaýap kelmegen soń Q.Damitov eski aqshalardyń kózin joiýǵa buiryq bergen.
«Bul tonnalaǵan qaǵaz edi, iistenip, shirigen. Jartysyn biz Shymkent kásipornynda órtedik. Jartysyn vagondarmen Qaraǵandyǵa «Karmetkombinatqa» aparyp, metallýrgiialyq peshterde órtedik»,- dedi ol.
Barlyq quqyqtar qorǵalǵan. inform.kz belsendi siltemeni paidalanyńyz http://inform.kz/kz/ulttyk-banktin-buryngy-toragasy-eski-akshalardy-vagondap-tasyp-ortegenin-aytty_a2968227
