Ulttyq banktiń altyn-valiýta rezervteri 35,7 mlrd AQSh dollaryna jetti. Búgin Úkimettiń keńeitilgen quramdaǵy otyrysynda Ulttyq bank tóraǵasy Erbolat Dosaev osylai málim etti, dep habarlaidy "Ult aqparat".
«Ulttyq banktiń altyn-valiýta rezervteri 2020 jyly 6,7 mlrd AQSh dollaryna ulǵaiyp, 35,7 mlrd AQSh dollaryna jetti. Altyn portfeli 4,7 mlrd AQSh dollaryna ósip, 2020 jyldyń sońynda 388 tonnany qurady», - dedi E. Dosaev.
Onyń aitýynsha, altyn-valiýta rezervteriniń quramyndaǵy erkin konvertatsiialanatyn valiýtadaǵy aktivter bir jyl ishinde 2 mlrd AQSh dollaryna ulǵaiyp, 12,1 mlrd AQSh dollaryna deiin ósti.
«Jalpy alǵanda, Ulttyq qordyń aktivterin qosqanda, Qazaqstannyń halyqaralyq rezervteri 2020 jyly 3,6 mlrd AQSh dollaryna ulǵaiyp, 94,4 mlrd AQSh dollaryn qurady», - dedi UB basshysy.
