Ulttyq bank 25 maýsym men 3 shilde aralyǵyndaǵy jekelegen damýshy elderdiń valiýtalaryna sholýyn jariialady, dep habarlaidy "Ult aqparat".
3 shildedegi saýda-sattyq qorytyndysy boiynsha, teńgeniń naryqtaǵy baǵamy AQSh dollary úshin 424,99 teńge bolyp qalyptasty, osylaisha bir aptada 0,5% (426,94-ten) nyǵaidy.
«25 maýsym men 3 shilde aralyǵynda syrtqy valiýtalyq naryqta damýshy elderdegi valiýtalardyń qarqyny jan-jaqty boldy. Aziia elderinde karantinniń kúsheiýine bailanysty álem ekonomikasyna Covid-19 virýsynyń jańa shtamy áser etedi degen qaýip te arta tústi. Halyqaralyq valiýta qory AQSh-tyń ekonomikalyq kórsetkishterin baǵalai otyryp, AQSh-tyń federaldy rezervtik júiesi 2022 jyldyń sońyna qarai stavka ulǵaia bastaidy degen boljam jasady. Maýsym aiyndaǵy AQSh-tyń eńbek naryǵy týraly málimetteri investorlar arasynda aralas reaktsiia týdyrdy, jumys oryndarynyń sany boljamnan asty (+850 myń), alaida, jumyssyzdyq deńgeii 5,9% deiin ósti», delingen.
Damýshy elderdiń valiýta baǵamdarynyń qarqyny AQSh dollaryna qatysty tómendegidei qalyptasty:
Túrik lirasy OB sheteldik valiýtadaǵy depozitter boiynsha normativtik rezervti talaptardy 200 b.k deiin qatańdatýyna bailanysty (19%-dan 21%) 0,9% nyǵaidy ( 8,77-den 8,69-ǵa deiin);
Meksika pesosy 0,3% nyǵaidy (19,82-den 19,77-ge deiin). OB ókili habarlaǵandai, 2021 jyldyń sońyna deiin infliatsiia 5%-ǵa deiin baiaýlamasa, retteýshi stavkany odan saiyn kóbeitý múmkindigin qarastyrady;
Úndistannyń rýpii elde Covid-19 virýsynyń taralýyna bailanysty saýda ortalyqtarynyń jumysyna ýaqytsha shekteý qoiylady degen aqparatqa bailanysty 0,7% álsiredi (14 425-ten 14 553-ke deiin);
Ońtústikafrikalyq rand DN-dyń birqatar elinde (Braziliia, Meksika men Resei) birqatar ósim bolǵanyna qaramastan, retteýshi negizgi stavkany ózgerissiz qaldyrady degen investorlardyń boljamyna orai qor men qaryz naryǵynan kapitaldyń ketýine bailanysty 0,7% álsiredi (14,15-ten 14,25-ke deiin);
Resei rýbli salyq tólemderi tólenip bitken soń jáne EO tarapynan bolyp jatqan sanktsiia qaternine bailanysty 1,5% álsiredi (72,06-dan 73,14-ke deiin);
braziliialyq real el prezidentine vaktsina satyp alǵan kezdegi jemqorlyqqa bailanysty tergeýde nemqurailylyq tanytty degen aiyp taǵylǵan soń, 2,6% álsiredi (4,93-ten 5,06-ǵa deiin).
