Qazaqstan Ulttyq banki «Qazaqstannyń florasy men faýnasy» monetalar seriiasynan nominaldary 200 jáne 100 teńgelik melhior qorytpasynan «TORAŃǴY» kollektsiialyq monetalaryn ainalymǵa shyǵarady, dep habarlaidy "Ult aqparat".
TORAŃǴY (Torańǵy) – túrli japyraqty terek. Qazaqstannyń Qyzyl kitabyna engen. Ár túrli halyqtardyń qasiet kóretin qurmetti aǵashy bolady. Olardyń árqaisysyna tán óz ańyzy bar. Japondarda ol – sakýra, eýropalyqtarda – emen, úndilerde – Sekvoia, afrikalyqtarda – baobab. Ejelgi kóshpelilerde torańǵy – tabynatyn jáne qasietti sanalatyn aǵash sanaldy.
Monetanyń bet jaǵynda (aversinde) quqyqtyq bóliginde tiri jáne ósimdikterden jasalǵan kollaj ainalymynda Qazaqstan Respýblikasynyń Memlekettik Eltańbasy beinelengen. Ulttyq banktiń taýar belgisiniń (logotipi) beinesi jáne nominaldy monetalardy bildiretin «brilliant uncirculated» daiyndaý sapasymen neizilber qorytpasynan jasalǵan monetadaǵy «rroof-like» jáne «100 TEŃGE» jazý melhior qorytpasynan jasalǵan. Moneta jieginde «QAZAQSTAN ULTTYQ BANKI» jáne «NATIONAL BANK OF KAZAKHSTAN» dep ainaldyra jazylǵan jazý bar.
Syrtqy jaǵynda (reversinde) shóldi shaǵyldyń fonynda Torańǵy tereginiń beinesi («rroof-like» sapasymen melhior qospasynan monetada altyn jalatý tehnologiiasyn qoldana otyryp oryndalǵan), joǵarǵy oń jaq bóliginde «TORAŃǴY» jáne «POPULUS DIVERSIFOLIA» (túrdiń latynsha ataýy) degen jazýlar bar.
Melhior jáne neizilber qorytpalarynan jasalǵan monetalardyń avers pen revers beineleri birdei.
Nominaly 200 teńgelik monetalardyń salmaǵy 15 gramm, diametri 33 mm, altyn jalatylǵan, «rroof-like» sapasymen melhior MN 25 qorytpasynan jasalǵan, taralymy 7 000 (jeti myń) dana;
Nominaly 200 jáne 100 teńgelik kollektsiialyq monetalar olardyń belgilengen quny boiynsha Qazaqstan Respýblikasynyń búkil aýmaǵynda tólemderdiń barlyq túri boiynsha, sondai-aq bank shottaryna esepteý úshin jáne aýdarý úshin qabyldanýǵa mindetti. Qazaqstan Respýblikasynyń barlyq bankinde shekteýsiz usaqtalady jáne aiyrbastalady.
Kollektsiialyq monetalar Qazaqstan teńge saraiynda daiyndaldy.
