Qazaqstan Prezidenti Ulttyq bank tóraǵasy Erbolat Dosaevty qabyldady, dep habarlaidy Aqorda.
Memleket basshysyna biylǵy 4 ai ishindegi aqsha-kredit saiasatyn júzege asyrýdyń aldyn ala qorytyndylary, koronavirýs pandemiiasynyń úshinshi tolqyny kezindegi álemdik ekonomikanyń damý perspektivalary, sondai-aq, álemdegi infliatsiianyń ósýi men basqa da infliatsiialyq máseleler týraly esep berildi.
Prezidentke osy jyldyń sáýir aiynda Qazaqstandaǵy jyldyq infliatsiia men onyń suranysty qalpyna keltirýge qatysty azyq-túlikke jatpaityn bóligindegi údeý qarqyny jaiynda baiandaldy.
Sonymen qatar Erbolat Dosaev Qasym-Jomart Toqaevqa 2021 jyldyń birinshi toqsanyndaǵy tólem balansyna berilgen aldyn ala baǵa týraly jáne biylǵy 4 aidaǵy altyn valiýta qorynyń ulǵaiýy men Ulttyq qordyń aktivterin basqarý jóninde aitty.
Budan bólek kezdesýde Memleket basshysyna biylǵy birinshi toqsannyń qorytyndysy boiynsha ekonomikany nesielendirý jáne depozitter kóleminiń ósimi jaily málimet berildi, sondai-aq, azamattardy zeinetaqy jinaqtarynyń jetkilikti deńgeiimen qamtamasyz etý boiynsha qabyldanyp jatqan qosymsha sharalar sóz boldy.
Kezdesý qorytyndysy boiynsha Qasym-Jomart Toqaev birqatar naqty tapsyrma berdi.
