Foto: Akorda.kz
Prezident Ulttyq bank tóraǵasy Ǵalymjan Pirmatovty qabyldady, - dep habarlaidy "Ult aqparat" Aqordaǵa silteme jasap.
Memleket basshysyna Ulttyq banktiń biylǵy birinshi jartyjyldyqta júzege asyrǵan aqsha-kredit saiasatynyń aldyn ala qorytyndylary jóninde esep berildi.
Qasym-Jomart Toqaevqa álemdegi jáne Qazaqstandaǵy ekonomikalyq ahýal, infliatsiia faktorlary men ony tómendetý úshin qabyldanyp jatqan sharalar, tólem balansynyń dinamikasy, sondai-aq BJZQ, Ulttyq qor aktivteri men altyn-valiýta rezervteriniń jai-kúii týraly baiandaldy.
Ǵalymjan Pirmatovtyń aitýynsha, Ulttyq bank qabyldaǵan sharalardyń nátijesinde infliatsiia báseńdep keledi jáne bank boljamyna sai qalyptasyp otyr.
Sonymen qatar Prezidentke Ashyq banking tujyrymdamasyn qoldanysqa engizý jáne tólem naryǵyn retteý máseleleri jóninde málimet berildi.
Kezdesý sońynda Memleket basshysy aqsha-kredit saiasatyn tiimdi iske asyrýǵa baǵyttalǵan mindetter júktedi
