Prezident Qasym-Jomart Toqaev Ǵalymjan Pirmatovty Ulttyq bank tóraǵasy etip taǵaiyndady, - dep habarlaidy "Ult aqparat" Aqorda saityna silteme jasap.
"Ǵalymjan Oljauly Pirmatov Qazaqstan Respýblikasy Ulttyq Bankiniń Tóraǵasy laýazymyna taǵaiyndalsyn", - delingen Jarlyqta.
Aita keteiik, 3 aqpanda Senat otyrysynda depýtattar Pirmatovtyń kandidatýrasyn maquldaǵan bolatyn. Bul rette Pirmatovtyń ózi otyrysqa qatysqan joq. Prezident Ákimshiligi basshysynyń birinshi orynbasary Timýr Súleimenovtiń aitýynsha, Pirmatov koronavirýspen aýyryp qalǵan.
Ǵalymjan Pirmatov 1972 jylǵy 24 sáýirde dúniege kelgen. 1993 jyly Novosibir memlekettik ýniversitetin "Mehanika, qoldanbaly matematika" mamandyǵy boiynsha bitirgen. Qazaqstan Menedjment, Ekonomika jáne Boljaý institýtyn (1995 jyl) jáne AQSh-tyń Villamet ýniversiteti Djorj H.Atkinson atyndaǵy Joǵary menedjment mektebin (2001 jyl) bitirgendigi týraly eki Iskerlik basqarý magistri (MVA) dárejesi bar. Pirmatov eńbek qyzmetin 1994 jyly "Altyn-Tas" BK-de bastaǵan. 1998 jyldan bastap túrli uiymdarda, onyń ishinde sheteldik uiymdarda (AQSh, Ýkraina) orta býyndaǵy basshy laýazymdaryn atqarǵan.
2005-2007 jyldary "Qazaqstan Halyq Banki" AQ jobalyq qarjylandyrý basqarmasynyń bastyǵy, sodan keiin Investitsiialyq banking departamentiniń basqarýshy direktory - direktory laýazymdaryn atqarǵan.
2007 jylǵy jeltoqsanda Qazaqstan Respýblikasynyń Ekonomika jáne biýdjettik josparlaý vitse-ministri laýazymyna taǵaiyndaldy.
2009 jylǵy naýryz - shilde aralyǵyndaǵy kezeńde "BTA Bank" AQ basqarma tóraǵasynyń birinshi orynbasary, basqarma múshesi boldy.
2009–2011 jyldar aralyǵyndaǵy kezeńde "QazAtomÓnerkásip" UAK" AQ Ekonomika jáne qarjy jónindegi vitse-prezidenti laýazymyn atqarǵan.
2011 jyldan beri "Cameco Kazakhstan" JShS Prezidenti. 2011 jyly QR Prezidentiniń janyndaǵy Qazaqstannyń sheteldik investorlar keńesi qaýymdastyǵynyń basqarma tóraǵasy bolyp taǵaiyndaldy. 2014 jylǵy qarashadan bastap - "Altyn Bank" AQ ("Qazaqstan Halyq Banki" AQ EB) Direktorlar keńesiniń múshesi, táýelsiz direktory bolǵan.
