Elimizde ishki usynys tómendep, munai ónimin tasymaldaý tarifiniń ósýine bailanysty benzin qymbattady. Bul týraly Ulttyq bank tóraǵasy Erbolat Dosaev aitty, - dep habarlaidy "Ult aqparat".
"Biyl ishki usynys tómendep, munai ónimin tasymaldaý tarifi ósýine bailanysty benzin 11,6 paiyzǵa qymbattaǵany baiqalady", - dedi ministr Úkimet otyrysynda.
Onyń aitýynsha, biyl sáýirde Qazaqstanda infliatsiia ótken aidaǵy kórsetkishke teń - jeti paiyz. Nan-toqash ónimderi, et, qant jáne jemis-kókónis baǵasyna bailanysty azyq-túlik infliatsiiasy 10,7 paiyzdan 9,8 paiyzǵa deiin azaiǵan.
"Iskerlik belsendilik, halyq kirisiniń qalpyna kelýi jáne import kólemi artqanyna bailanysty azyq-túlik emes infliatsiia 5,6 paiyzdan 6,4 paiyzǵa deiin kóterildi. Azyq-túlikke jatpaityn taýarlardyń ai saiynǵy qymbattaýy 2017 jyldyń qazanynan beri eń joǵary mándi kórsetedi. Kiim men aiaq kiim baǵasynyń ósý qarqyny jyldyq mánde 5,5 paiyzǵa deiin jedeldedi", - dedi Dosaev.
