QR Ulttyq bankiniń tóraǵasy Erbolat Dosaev naýryz aiynda teńgeniń álsireýiniń sebepterin aitty, dep habarlaidy "Ult aqparat".
«Biylǵy naýryzda teńgeniń aiyrbastaý baǵamy kelesi sebeptermen bir AQSh dollary úshin 424,97 teńgege deiin 1,9 paiyzǵa álsiredi. Birinshiden, osy jylǵy naýryzda munai baǵasy bir barrel úshin 63,54 AQSh dollaryna deiin 3,9 paiyzǵa tómendedi. Vaktsinatsiia qarqynynyń tómendeýine, jańa agressivti COVID-19 shtamdarynyń paida bolýyna jáne barynsha qatań oqshaýlaý sharalaryna oralýǵa bailanysty táýekelder energiia tasymaldaýshylarǵa suranysty qalpyna keltirý boiynsha investorlardyń josparlaryna áser etti. Biylǵy naýryzdyń qorytyndysy boiynsha AQSh-taǵy munai qory da artty», - dedi UB basshysy Úkimet otyrysynda biylǵy qańtar-naýryzda eldiń áleýmettik-ekonomikalyq damý qarqynyn talqylaý kezinde.
Ekinshiden, AQSh qazynashylyq obligatsiialary kiristiliginiń ósýi aiasynda dollar damýshy naryqtardyń valiýtalaryna qatysty nyǵaiýda.
«Nátijesinde, túrik lirasy 11,1 paiyzǵa, Indoneziia rýpiiasy – 2 paiyzǵa, Resei rýbli 1,6 paiyzǵa álsiredi. Bul rette, sanktsiialar táýekelderiniń kúsheiýi jalpy úrdisterden basqa Resei rýbliniń teris dinamikasyna yqpal etti. Bul jaǵdaida respýblikalyq biýdjetke transfertter bólý aiasynda Ulttyq qor aktivterin konvertatsiialaý men kvazimemlekettik sektor kompaniialarynyń eksporttyq valiýta túsiminiń bir bóligin satýy teńgege qoldaý kórsetti», - dedi Dosaev.
Naýryzda Qazaqstannyń memlekettik baǵaly qaǵazdaryna shetel investitsiialarynyń aǵyny aitarlyqtai baiaýlady jáne
biylǵy jylǵy aqpandaǵy 178 mlrd teńgemen jáne qańtardaǵy 174 mlrd teńgemen salystyrǵanda 18 mlrd teńgeni qurady.
«Biylǵy jylǵy sáýirde táýekel aktivterine sentiment táýekeliniń jalpy nasharlaýy aiasynda damýshy naryqtardyń aktivterinen beirezidentterdiń netto-shyǵarylýy baiqalady. 9 sáýirde teńge baǵamy mynadai sebepter boiynsha jyl basynan beri bir AQSh dollary úshin 2,9 paiyzǵa álsirep, bir AQSh dollary úshin 433,17 teńgeni qurady», - dedi UB basshysy.
