قر ۇلتتىق بانكٸنٸڭ تٶراعاسى ەربولات دوساەۆ ناۋرىز ايىندا تەڭگەنٸڭ ەلسٸرەۋٸنٸڭ سەبەپتەرٸن ايتتى, دەپ حابارلايدى "ۇلت اقپارات".
«بيىلعى ناۋرىزدا تەڭگەنٸڭ ايىرباستاۋ باعامى كەلەسٸ سەبەپتەرمەن بٸر اقش دوللارى ٷشٸن 424,97 تەڭگەگە دەيٸن 1,9 پايىزعا ەلسٸرەدٸ. بٸرٸنشٸدەن, وسى جىلعى ناۋرىزدا مۇناي باعاسى بٸر باررەل ٷشٸن 63,54 اقش دوللارىنا دەيٸن 3,9 پايىزعا تٶمەندەدٸ. ۆاكتسيناتسييا قارقىنىنىڭ تٶمەندەۋٸنە, جاڭا اگرەسسيۆتٸ COVID-19 شتامدارىنىڭ پايدا بولۋىنا جەنە بارىنشا قاتاڭ وقشاۋلاۋ شارالارىنا ورالۋعا بايلانىستى تەۋەكەلدەر ەنەرگييا تاسىمالداۋشىلارعا سۇرانىستى قالپىنا كەلتٸرۋ بويىنشا ينۆەستورلاردىڭ جوسپارلارىنا ەسەر ەتتٸ. بيىلعى ناۋرىزدىڭ قورىتىندىسى بويىنشا اقش-تاعى مۇناي قورى دا ارتتى», - دەدٸ ۇب باسشىسى ٷكٸمەت وتىرىسىندا بيىلعى قاڭتار-ناۋرىزدا ەلدٸڭ ەلەۋمەتتٸك-ەكونوميكالىق دامۋ قارقىنىن تالقىلاۋ كەزٸندە.
ەكٸنشٸدەن, اقش قازىناشىلىق وبليگاتسييالارى كٸرٸستٸلٸگٸنٸڭ ٶسۋٸ اياسىندا دوللار دامۋشى نارىقتاردىڭ ۆاليۋتالارىنا قاتىستى نىعايۋدا.
«نەتيجەسٸندە, تٷرٸك ليراسى 11,1 پايىزعا, يندونەزييا رۋپيياسى – 2 پايىزعا, رەسەي رۋبلٸ 1,6 پايىزعا ەلسٸرەدٸ. بۇل رەتتە, سانكتسييالار تەۋەكەلدەرٸنٸڭ كٷشەيۋٸ جالپى ٷردٸستەردەن باسقا رەسەي رۋبلٸنٸڭ تەرٸس ديناميكاسىنا ىقپال ەتتٸ. بۇل جاعدايدا رەسپۋبليكالىق بيۋدجەتكە ترانسفەرتتەر بٶلۋ اياسىندا ۇلتتىق قور اكتيۆتەرٸن كونۆەرتاتسييالاۋ مەن كۆازيمەملەكەتتٸك سەكتور كومپانييالارىنىڭ ەكسپورتتىق ۆاليۋتا تٷسٸمٸنٸڭ بٸر بٶلٸگٸن ساتۋى تەڭگەگە قولداۋ كٶرسەتتٸ», - دەدٸ دوساەۆ.
ناۋرىزدا قازاقستاننىڭ مەملەكەتتٸك باعالى قاعازدارىنا شەتەل ينۆەستيتسييالارىنىڭ اعىنى ايتارلىقتاي باياۋلادى جەنە
بيىلعى جىلعى اقپانداعى 178 ملرد تەڭگەمەن جەنە قاڭتارداعى 174 ملرد تەڭگەمەن سالىستىرعاندا 18 ملرد تەڭگەنٸ قۇرادى.
«بيىلعى جىلعى سەۋٸردە تەۋەكەل اكتيۆتەرٸنە سەنتيمەنت تەۋەكەلٸنٸڭ جالپى ناشارلاۋى اياسىندا دامۋشى نارىقتاردىڭ اكتيۆتەرٸنەن بەيرەزيدەنتتەردٸڭ نەتتو-شىعارىلۋى بايقالادى. 9 سەۋٸردە تەڭگە باعامى مىناداي سەبەپتەر بويىنشا جىل باسىنان بەرٸ بٸر اقش دوللارى ٷشٸن 2,9 پايىزعا ەلسٸرەپ, بٸر اقش دوللارى ٷشٸن 433,17 تەڭگەنٸ قۇرادى», - دەدٸ ۇب باسشىسى.
